ياسمين عز: مفيش راجل بيهاجمني لأنه برئ وجميل

ردت الإعلامية ياسمين عز على منتقدي تصريحاتها بشأن دفاعها بشكل مستمر عن الرجل، موضحة أنها دائمًا ما تتعرض للهجوم من جانب السيدات.

تحيا مصر يرصد لكم رد ياسمين عز على منتقدي تصريحاتها

وقالت ياسمين عز خلال برنامجها كلام الناس الذي يعرض عبر قناة ام بي سي مصر: جماعة الست تبات برا والتحريض على خراب البيوت والصوت العالي بيتضايقوا من كلامي ومن جملتي إن مفيش كرامة بين الزوجين، ودي بتكون واحدة مشوعطة وبقول لها إنتي إيه دخلك بين المتزوجين؟ ومتجيش هنا تاني لأن كلامي عن الحنية للست المتهنية ومنطقتي محذورة عليكي لأن كلها دلع ولو قربتي هتتحرقي.

وتابعت: دي كرامتنا ورجالتنا وأحنا أحرار فيها، وبقول لـ المشوعطة اللي عايزة تكون ند بند مع الراجل إنتي حرة ولكن من محتوانا متغشيش وعن الصوت الجهل وإنتي أهله متتكلميش وعن رضا الرجال متحلميش.

ياسمين عز: لو ممغوصة مني خدي مسكن

وأضافت: : دايمًا بقول الحمد لله أن ربنا شاغلني بنفسي وده مخليني مبسوطة، وانا ماشية بمثل يا محلى المبسوطة قدام المشعوطة، ولو ممغوصة مني خدي مسكن.

وتابعت: لما يحد يحب يعلق على كلامنا الراقي مينفعش يقول أي كلام وخلاص، لأن منظرك هيكون وحش، وكلامي ده مبني على أساس علمي زي قانون نيوتن الفعل ورد الفعل وعلم النفس، والحقد الكبير والغل من الراجل محاولة لخراب البيوت وهدم الأسرة واللسان السليط ما هو إلا دليل على شخصية مريضة وشخص اختار ينشر مرضه بين الناس وسمومه عشان يكونوا فاشلين زيه ويرتاح ويقول مش أنا لوحدي.

ياسمين عز لمنتقديها: لا عزاء للغيرانين

كما اختتمت ياسمين عز حديثها بـ نصيحة للنساء، قائلة: ربنا يحفظ كل ست أصيلة متحملة جوزها وما أفسده الدهر يصلحه راجل، ودوري على راجل تستند على كتفه لأنه حصن وسند وحماية بعد ربنا، وأنا مفيش راجل بيهاجمني لأنه كائن بريء وجميل زي ما ربنا خلقه ومعندهوش نار الغيرة، ولو حد تطاول عليا هرد بطريقتي ولكن مش بالألفاظ دي وكله عارف تربيتي، وكلام الشوارع بنسيبه لبتوع الشوارع ولا عزاء للغيرانين.

ياسمين عز تكشف سبب غيابها الفترة الماضية

وكانت الإعلامية كشفت ياسمين عز عن سبب اختفائها وعدم عرض حلقات جديدة من برنامجها كلام الناس خلال الفترة الماضية بدون إبداء أسباب، وكتبت عبر حسابها بموقع تبادل الصور والفيديوهات انستجرام، حيث كشفت أنها كانت تؤدي مناسك العمرة.