كان نفسي أبقى Dj وممكن أعمل دور رقاصة.. أبرز تصريحات هنادي مهنا

حلت الفنانة هنادي مهنا ضيفة على برنامج “إسألني”، المذاع على قناة cbc، والتي فجرت خلاله مجموعة تصريحات جريئة عن شخصيتها، وفي ذلك الإطار يرصد تحيا مصر أبرز تلك التصريحات.

تصريحات هنادي مهنا في اسألني

• درة احلى واحدة على الريد كاربت وبسنت شوقي خطيرة بردو.
• نفسي أمثل مع احمد حلمي وكريم عبد العزيز وأحمد عز وأمير كرارة.
• بتعصب أما بكون جعانة أو متأخرة او حد يكون متأخر عليا.
• أخدت من والدي انا انا باكل بسرعة وأبويا مساعدتنيش اكون ممثلة.
• بحب المزيكا جدا وكان نفسي أبقى dj أو مجال الأغنية عموما.
• حلاوة البنت وشكلها ممكن يديها فرصة أكتر في التمثيل والغلط بيكون على اللي بيديها الفرصة عشان ده.
• لون عنيا أكتر حاجة بحبها فيا والناس بتاخد عني فكرة اني تافهه.
• مبيتعرضش عليا سينما كتير أو مناسبة وزلزال أكتر مسلسل عرفني بالناس.
• ثقتي في نفسي رجعت بعد ما خسيت.
• الفلوزر مش مهمين قد ما الشاعر واستقبال الناس ليا مهم.
• ليا قواعد معينة في اختيار أدواري وممكن أعمل دور رقاصة على حسب  المخرج والسيناريو وقصة العمل، وبحب الرقص جدا.
• لو جوزك ضربك روحي على بيت باباكي.
• الولاء والوفاء والكرم والجدعنة والصبر والتنازل.
• المشترك بيني وبين جوزي إننا بنحب الأكل وبنتفرج على نفس الأفلام والسفر، واختيار الألوان سبب خلافنا ديما.
• كان نفسي ابقى ولد في يوم وأنا صغيرة عشان اروح البيت من غير مواعيد.
• هاخد أحمد جوزي أو شيكو هتكون خناقة لذيذة وأكرم حسني هيضحكهم جدا.
• لو مكنتش ممثلة كان نفسي اشتغل مدرسة او طباخة.

أخر أعمال هنادي مهنا

جدير بالذكر، أنه كان قد شارك كلا من هنادي مهنا وزوجها أحمد خالد صالح في السباق الرمضاني 2022، بأعمال فنية مختلفة، اذ خاض أحمد خالد صالح بطولة مسلسل “رانيا وسكينة”، إلى جانب الفنانة المتألقة روبي والنجمة مي عمر وصبا الرافعي، محمد رضوان، وغيرهم، ومن تأليف محمد صلاح العزب، وإخراج شيرين عادل، وجسد صالح خلال أحداث العمل حبيب روبي التي جسدت شخصية فتاة شعبية تعيش في الحارة تقع في عشق هذا الشاب ولكن يبدو وكأنه ينصب عليها لأخذ مالها له، بينما هنادي فعرض لها مسلسل مكتوب عليا بجانب أكرم حسني وعمرو عبد الجليل وأيتن عامر.