زوجة عمار الشريعي في ذكرى رحيله: كان بيقدر الست ولسه بتفرج على أعماله

تحدثت ميرفت القفاص زوجة الموسيقار الراحل عمار الشريعي عن حبها الشديد لزوجها، وذلك في ذكرى رحيله التي تحل اليوم.

تحيا مصر يرصد لكم تصريحات زوجة الموسيقار عمار الشريعي

وقال ميرفت خلال مداخلة هاتفية مع برنامج «السفيرة عزيزة»، وتقدمه الإعلامية نهي عبدالعزيز، والمذاع على فضائية دي أم سي: رغم أن هو مات من 0 سنين بس لسه أعماله موجودة وبيسمعها الجميع، وأنا لسه بنتفرج أعماله في المسلسلات والأفلام والأغاني.

وتابعت: عمار الشريعي لسه عنده معجبين كتير لغاية دلوقتي، وبيقولوا  دائمًا أنه علمهم ورباهم ثقافيًا وموسيقيًا، والحاجات دي بتفرحني، وبفرح لما بيكلموني في ذكراه.

زوجة عمار الشريعي: محسسنيش أني مختلفة عنه وكان بيقدر الست

وتابعت: أنا عشت مع بني آدم محترم  وابنه، والواحد لما بيسمع المشاكل الزوجيه دلوقتي بيقول إزاي فيه رجاله كده، أنا كنت مع راجل محترم جدا ومحسسنيش إني مختلفة عنه، وربنا يرحمه كان زوج فرفوش مبيحبش النكد وطيب وراضي باللي ربنا قسمه ليه، ومقدر النعمة اللي معاه
وأوضحت أن قصة حبهما بدأت في عام 1988، وتركها وتوفي في عام 2012 أي بعد قصة زواج استمرت لـ25 عاما، متابعة: بقالي 10 سنين عايشة علشان مراد ابني، وأحقق فيه اللي بباه كان عايزه.

ذكرى وفاة عمار الشريعي

وتحل اليوم ذكرى وفاة الموسيقار الكبير عمار الشريعي، حيث حفر اسمه من ذهب ونجح في خطف قلوب محبيه من خلال موهبته وتحديه الصعاب.

عمار الشريعي

وعمار الشريعى من مواليد مدينة سمالوط أحد مراكز محافظة المنيا فى 16 أبريل 1948 له علامات وبصمات فى عالم الموسيقى، سواء الموسيقى التصويرية للعديد من الأعمال السينمائية والتليفزيونية والتترات الشهيرة التى قدمها مع سيد حجاب وعلى الحجار ومحمد الحلو والأعمال درامية تعد من كلاسيكيات الدراما.

عمار الشريعى  له أكثر من موسيقى تصويرية لـ 40 فيلما منها البرىء، كتيبة الإعدام، حليم وأحلام هند وكاميليا وأكثر من 80 مسلسلا تليفزيونيا خلدت موسيقاه فى ذاكرة الجمهور العربى، ومنها رأفت الهجان، وزيزينيا، وأبو العلا البشرى، وأرابيسك، والشهد والدموع، ودموع فى عيون وقحة، وعصفور النار، والراية البيضا، وأوبرا عايدة، وغيرها من الأعمال الفنية التى تركت أثرا فى وجدان المهتمين بالموسيقى فى العالم العربى، وله 20 مسلسلا إذاعيا، وقدم للمسرح 8 أعمال منها "إنها حقا عائلة محترمة"، و"لولى"، و"علشان خاطر عيونك يمامة بيضا".