حسن الرداد: الـCV بتاعي مع الحيوانات سيء وايمي مرة قالتي انا بحبك زي الكلاب

كشف الفنان حسن الرداد خلال لقائه مع الفنانة اسعاد يوسن خلال برنامج “صاحبة السعادة”، المذاع على قناة dmc، عن علاقته بـ الحيوانات.

تحيا مصر يرصد في ذلك التقرير علاقة حسن الرداد بـ الحيوانات

حسن الرداد: تعاطف جدا مع الحيوانات بس الـCV بتاعي مع القطط والكلاب زي الزفت

أنا بتعاطف جدا مع الحيوانات وأنقذت قبل كدة مرتين قطة مع اني ماليش في القطط خالص، بس الـCV بتاعي مع القطط والكلاب زي الزفت وبالنسبالي الكلاب ده عدو الانسان وطول حياتي وأنا صغير الكلاب كانت بتجري ورايا في الشارع، أما القطط فكانت بتخضني.

حسن الرداد: ايمي معاها ديما أكل قطط وكلاب وماشية في الشارع تأكلهم

وتابع: لما اتجوزت ايمي كنت في الأول بستغرب الحب الفظيع بتاع الكلاب، فشوفت فد ايه الكلاب بالنسبة للناس اللي بيعشقوا الكلاب كأنه واحد من عيالهم، كأنه حد من أفراد اسرتهم، يعني ايمي ماشية في شنطة العربية على طول بأكل كلاب وقطط وماشية تأكلهم في الشارع وتعمل خناقات لو حدي بيأذيهم.

حسن الرداد: ايمي كانت بتقول لباباها بحبك انت والكلاب في نفس المستوى

وأضاف حسن الرداد خلال حديثه، مشيرا إلى شدة حب ايمي سمير غانم للحيوانات، فقال: مرة كنت قاعد في البيت وايمي معدية في لحظة رومانسية قالتي حسن انا بقيت احبك زي الكلاب قولتلها ده مدح ولا ذم ده ولا اي فقالتلي لا انا كنت بقول لبابا انا بحبك انت والكلاب نفس الحاجة.

يذكر، أن أخر أعمال الفنان حسن الرداد مشاركته في فيلم “تحت تهديد السلاح”، الذي شارك بطولته إلى جانب كلا من النجوم شيرين رضا، عمرو عبد الجليل، مى عمر، بيومي فؤاد، عباس أبو الحسن، هلا السعيد، جورى بكر، أحمد بدير، وعدد آخر من الفنانين وضيف الشرف فتحي عبد الوهاب، وغيرهم من الفنانين، والعمل من تأليف أيمن بهجت قمر، وإخراج محمد عبد الرحمن حماقي.

ودارت قصة الفيلم حول جريمة قتل حدثت بالفعل، حيث رجل يبحث عن حبيبته السابقة فيجدها ويقرر الزواج منها، وبعدها تحدث مفاجأة تغير حياته بالكامل، وحقق نجاحات ساحقة خلال فترة عرضه في السينما.