حسن الرداد: كنت بدعي اني متقبلش في معهد التمثيل ولو افتكرت حاجة لأمي بيحصلي انهيار

روي الفنان حسن الرداد قصة دخوله في مجال الفن وخاصة التمثيل، مشيرا إلى ان الفكرة جاءت بتشجيع من والدته حتى يخرج من الحالة السيئة التي كان عليها بعد وفاة والده وشقيقه.

تحيا مصر يرصد في ذلك التقرير قصة دخول حسن الرداد مجال التمثيل

حسن الرداد: حسيت كأن فيه شوك في جسمي عشان بعدت عن أمي واختي

واستكمل حسن الرداد خلال برنامج “صاحبة السعادة”، الذي تقدمه الإعلامية اسعاد يونس على شاشة قناة dmc: أما نزلت القاهرة كأن شوك في جسمي لاني بعدت عن أمي واختي وهما روحي، ودخلت ولسة بقول اول حاجة في المشهد كان دكتور جلال الشرقاوي ودكتورة سميرة محسن لجنة التحكيم، وناس كتيرة اوي مكنوش بصنلي اصلا فكنت داخل عايزة أخرج بقول ولقتهم سايبني اكمل.

وتابع حديثه: كنت بصلي وأدعي انهم ميقبلونيش في المعهد وكنت عايزة أقعد جنب امي في دمياط، واتفجأت ان انا نجحت  وكل ورشة بدخلها كانوا بيعجبوا بيا وأنا مكنتش اعرف حاجة عن التمثيل.

حسن الرداد عن والدته: مبقدرش افتكر اي شيء ليها ولا اسمع صوتها

وتطرق حسن الرداد بحديثه عن والدته فقال: مبقدرش افتكر اي حاجة لأمي ولا شكلها ولا صوتها لاني كنت عايش في الجنة ولو غصب عني صوتها جه في ودني ببقى في حالة صعبة جدا، ولو جولي في الأحلام بعيط وانا نايم.

وعن وفاة سمير غانم ودلال عبد العزيز، فقال: سمير غانم من أطيب الناس اللي قبلتها ودلال مهما كان فيه بيني وايمي مشكلة عمرها ما تتدخل وكنت انا ابنها مش ايمي، وسمير غانم كنت بحبه من وأنا صغير وأما ماتوا اتأثرت بيهم جامد ومريت في وقت كنت محتاج أتعالج فيه نفسيا بتجربة مؤلمة جدا.

حسن الرداد عن ايمي سمير غانم بعد وفاة والدتها: كنت لازم أكون داعم ليها

وكشف عن قراره مع ايمي سمير غانم بعد وفاة والدها ووالدتها: كان صعب جدا على ايمي ودنيا وكنا كلنا مقضيين اول يوم رمضان عندنا كورونا، وكنت لازم أكون داعم لـ ايمي ومعاها، مش بقول ان اساعدها تنساهم لكن لازم اكون سند ليها بكل شكل ودلال واستاذ سمير كنت بحبهم جدا، ومكنوش بالنسبالي حمايا وحماتي وكنت في ظروفهم الصعبة حزين عليهم.

وعن روتينه في الحفاظ على صحته ولياقته البدنية، فقال حسن الرداد: أنا عاشق للحلويات وكنت زمان بعمل دايت وارجع اكل، دلوقتي اكلي كله بدون دهون، وباكل جبنة او بيض او فول والاكل كله مسلوق او مشوي.