وفاء السيد عن استعدادها لدور جانيت: كنت مهمومة.. وفكرت في تفاصيلها كلها

تحدثت الفنانة وفاء السيد في برنامج مساء dmc عن تفاصيل شخصيتها في فيلم حسن ومرقص. 

تحيا مصر يرصد لكم تصريحات وفاء السيد في مساء dmc 

وفاء السيد تتحدث عن شخصية جانيت  

وقالت وفاء السيد: عملت في حسن ومرقص البنت اللي ممكن تتجوز وان في عريس قدامها اللي هو الاستاذ محمد إمام بس هي فيها ديفوهات يعني، لكنه من الأدوار اللي محببة إلى قلبي وساب علامة مع الجمهور. 

وتابعت: وكل الأدوار أو معظمها بتبقى في الكتابة حاجة ولما بتشوفوها بتبقى حاجة تانية، وبقعد اركز واهتم بالدور وبالحب مع المخرج ونجم العمل اللي بيسيب مساحة فـ الحمد لله بيوصل الحب ده للجمهور وبتثبت الشخصية.

وفاء السيد عن كواليس استعدادها للفيلم 

واختتمت: بقعد افكر وببقى مهمومة إن أنا اوصل للحالة فـ ببدأ افكر في الشكل الخارجي والداخلي وبعدين لو هعملها ديفوه أو لازمة في الكلام، في الماشية، في الحركة والملابس، والمكياج وطريقة الشعر، والسنان ممكن نشوه فيها وببقى مهتمة جدًا والحمد لله بمساعدة المخرج بنوصل لحاجة جميلة.

وفاء السيد في برنامج بنت البلد 

وكانت قد حلت الفنانة وفاء السيد ضيفة الفنانة نشوى مصطفى، برنامج بنت البلد، المذاع على قناة صدى البلد، وكشفت عن سر غيابها عن الفن لمدة 15 عام، كما صرحت بعد التصريحات القوية.

- غبت فترة بعد آخر عمل ليا كان مع الزعيم عادل إمام

- بعد ما عملت الفيلم معرفش إيه اللي حصل بدل ما اشتغل قعدت في بيتنا

- ساعتها كنت بعمل مسرحية اسمها روايح مع الفنانة فيفي عبده

- وقولت لـ زملائي أنا الزعيم بعتلي وهعمل فيلم معاه

-من بعدها قعدت في البيت من 2007

- المخرجون اتغيروا ومبقتش عارفة مين بيعمل إيه

- استنيت حد يطلعني من اللي أنا فيه ويبعت لي شغل بردو مفيش

- لغاية لما الحمد لله رمضان اللي قبل اللي فات جالي مسلسل نسل الأغراب

-والدتي توفت في 2016 كانت بتفرح لما بتشوفني في التلفزيون وكانت السند

- كنت بقول لو مشتغلتش مش مهم أنا معايا ماما

- وجود ماما كانت حاجة مريحاني جدًا ولكن الحمد لله