حاولت الانتحار بسبب نوبات الهلع ومكنتش طايقة ابص لنفسي بعد عمليات التجميل.. أبرز تصريحات وفاء سالم

حلت الفنانة وفاء سالم ضيفة على برنامج كلمة أخيرة والتي تقدمه الإعلامية لميس الحديدي ويعرض عبر قناة أون تي في ، وتحدثت وفاء عن كواليس أجراها عملية التجميل، كما كشفت عن أسرار في حياتها وعلاقتها بابنها.

تحيا مصر يرصد لكم تصريحات وفاء سالم

ونستعرض لكم أبرز تصريحات الفنانة وفاء سالم 

النجومية بالنسبالي من وأنا طفلة ملهاش مكان في حياتي

الألم النفسي بيأذي كل حاجة والأفكار مش بتبقى حقيقية

كنت فاهمة ان متعتي الوحيدة في شغلي وفي ادهم

نسيت حاجة اسمها ندم ودي حاجة من المصطلحات الخاطئة.

متجوزتش تاني عشان ربنا عايز كده ويهمني الانسان اللي يعيش معايا يبقى نصي التاني وده مطلب صعب فـ ليه اتعب الناس معايا

بدأت اكتئب لما شغلي بقى ياخدني وينزل بغض النظر عن الفترة الأخيرة اللي مكنتش مبسوطة بوشي فيها

قبل العلاج وصلت لمرحلة اني مش قادرة اتحكم، وبيبجلي بانيك اتاك.

انفصالي عن جوزي كان لما ادهم عنده 4 سنين.

عندي 32 قطة في الجنينة وقطة واحدة في البيت.

اتعملي حقن في شفايفي، ولما جيت اتكلم لاقيت اني مش عارفة املك الحروف.

مكنتش طايقة ابص لنفسي بعد عمليات التجميل لأن شكلي اتغير.

تعلمت أن لاأتعامل في هذا المجال إلا مع طبيب مختص ومحترف ونسأل عنه كويس.

بوعد نفسي وإبني أني مش هعمل أي حاجة تاني في وشي حتى لو كانت امنة بنسبة 100%

عملت مسلسل مع عادل إمام وكلبش 2 كان ادائي ناقص ومش حابه روحي بسبب وشي.

 

كنت فاكرة أني مخططة لحياتي ولابني أنه سيفضل معيا طول العمر وده قرار خاطيء.
 

اكتشفت اني نسجت لنفسي حياة كانت مرسومة ومخططة  ولكنها سراب في الواقع.
 

بعد المواجهة بيني وبين أدهم ابني حطيت بعدها رجلي على الأرض وبدأت أتقبل الواقع واخرج من الحالة.

حاولت انتحر ومكنتش عارفة اسيطر على تصرفاتي بسبب نوبات الهلع اللي كانت بتجيلي.

يذكر أن الفنانة وفاء سالم كانت قد وجهت رسالة شكر لـ جمهور بسبب أسألتهم المستمرة عليها، بعد تعرضها لتشويه في وجهها بسبب عملية تجميل خاطئة، وشاركت وفاء سالم فيديو لها عبر حسابها الرسمي بموقع التواصل الإجتماعي “فيسبوك”: بشكركم ان انكم بتطمنوا عليا، وبقولكم ان أنا تمام والحمدلله رب العالمين ده وشي ودي ملامحي، وأكتر حاجة اتبسطت منها في المحنة دي ان حبايبي كتير ودعواتهم ليا كتير تحياتي ليكم.