وفاء سالم عن صورتها قبل عملية التجميل الأخيرة: كانت فوتوشوب وموصلتش لكده

تحدثت الفنانة وفاء سالم عن كل ما يتعلق بها من فيديوهات وصور تم نشرها على السوشيال ميديا قبل خضوعها لعملية التجميل الأخيرة، وذلك خلال حوارها ببرنامج كلمة أخيرة مع لميس الحديدي.

تحيا مصر يرصد لكم تصريحات وفاء سالم في برنامج كلمة أخيرة مع لميس الحديدي

وقالت وفاء سالم عن تلك الصور والفيديوهات: مش لدرجة الخلل، واللي في الصورة فيه فوتوشوب، وعمري ما وصلت لكده، في لقطات وشي كان فيها انتفاخات كبيرة من الفيلر.

وتابعت عن بداية عمليات التجميل اليت خضعت لها، قائلة: انا مش شاطرة اعرف في ان حد كلمني وتعالي هوريكي حاجة، لكن لما حد يستدرجك، وبدأت الحكاية بإن تعالي اتفرجي واتقالي خلي نضارة، وانا مكنتش عارفة الفرق بين الجيد والسئ والفيلر لازم تبقي عارفة من اللي بيحقنلك، وأنا مش عارفة اقول ايه في الناس اللي بتثق في أي حد بدليل اني وثقت ووصلت لحاجات مش لطيفة.

وفاء سالم: لما حقنوا شفايفي مكنتش عارفة اتكلم 

وأضافت وفاء سالم: قالولي الأول هنعملك حاجة فيها نضارة وطلعت حقن، وأول حاجة اتعملت كانت حقن في شفايفي، ولما جيت اتكلم لاقيت اني مش عارفة املك الحروف، وبردو ناحية الخدود، ولاقيتهم عملولي سداغ كبيرة، وخدودي كبرت من حقن دهون، وقالولي ده صحي، وكتر الكلام خلاني اثقف.

وفاء سالم: مكنتش طايقة ابص لنفسي

واختتمت: انا عملت خيوط وكل دكتور يجود عن التاني، وعند كل مرحلة لاقيت الدنيا بتبوظ مني، ومكنتش طايقة ابص لنفسي، ولما عملت مسلسل مع عادل إمام وكلبش 2 العملين دول بدأ يبقى وشي لما ببص في المونيتوريبقى وحش  واصلح يبوظ، وكان ادائي ناقص ومش حابه روحي.

رسالة وفاء سالم للجمهور عبر فيسبوك

ويذكر، أن حرصت الفنانة وفاء سالم على توجيه رسالة شكر لـ جمهور بسبب أسألتهم المستمرة عليها، بعد تعرضها لتشويه في وجهها بسبب عملية تجميل خاطئة.

شاركت وفاء سالم فيديو لها عبر حسابها الرسمي بموقع التواصل الإجتماعي “فيسبوك”: بشكركم ان انكم بتطمنوا عليا، وبقولكم ان أنا تمام والحمدلله رب العالمين ده وشي ودي ملامحي، وأكتر حاجة اتبسطت منها في المحنة دي ان حبايبي كتير ودعواتهم ليا كتير تحياتي ليكم.

هذا وشاركت وفاء سالم مجموعة صور عبر حسابها الرسمي بموقع التواصل الإجتماعي “فيسبوك” التي شاركتها مع الجمهور بملامح مختلفة وجميلة خطفت أنظار متباعيها، وذلك يعد ظهورها الأول بعد خضوعها لـ عدد من العمليات التجميلية بسبب فشل إحداهم عرضت وجهها للتشوه، وحازت الصور على ردود فعل ايجابية من قبل الجمهور.