بالصور.. رضوى الشربيني تؤدي مناسك العمرة

أدت الإعلامية رضوى الشربيني مناسك العمرة، حيث شاركت رضوى جمهورها صورة لها من الحرم المكي.

تحيا مصر يرصد لكم تأديه رضوى الشربيني مناسك العمرة

رضوى الشربيني أمام الكعبة

ونشرت رضوى صورة عبر حسابها بموقع تبادل الصور والفيديوهات انستجرام وظهرت بالعباءة والطرحة وعلقت: طمن قلبى فقد فوضت أمرى الى ربى فهو حسبى و نعم الوكيل.. اللهم انى اسألك حبك و العمل الذى يبلغنى حبك..اللهم انى اسألك جودك و كرمك و سترك.

رضوى الشربيني تعلق على عودة شيرين لـ حسام حبيب

ومن جانب آخر كانت رضوى الشربيني علقت على عودة شيرين إلى حسام حبيب وقالت في برنامجها "هي وبس" الذي يعرض على شاشة تلفزيون قناة سي بي سي سفرة: إزاي تقولوا على شيرين عبد الوهاب معندهاش كرامة"، ودافعت عن حسام حبيب.. حد يقولي غلط في ايه؟.. أخو شيرين هو اللي قال تصريحات مش كويسة في حق أخته، وكان في حد من مصلحته أن تكون نفسية شيرين مش كويسة.
وعن عودة شيرين لحسام حبيب، قالت رضوى الشربيني: "أحنا مالنا مترجعلوا لبعض اللي بيشيل قربة مخرومة بتخر على دماغه أحنا أيه مشكلتنا أن شيرين وحسام يسيبوا أو يرجعوا لبعض.. تاريخ حسام حبيب ومداخلاته الهاتفية لم يقول كلمة سيئة في حق شيرين، ووجهت رسالة إلى شيرين عبد الوهاب، حيث قالت: انتي إنسان غير عادي وعشان كدا حصل الضجة الكبيرة دي وكلامك قدوة لستات كتير وأى واحدة مش قريبة منك هتقول أنك ست بلا كرامة بعد هجومك من قبل بشكل عنيف على حسام حبيب، أحنا بندعمك بس خلي مشاكل بيتك جوة بيتك وكفاية عك بقى وخلوا الناس تنسى العك دا وانتي قدوة ومشهورة ولما اكلمتي قبل كدا عن العوانس أنا زعلت لأنك قدوة وصوت مصري نفتخر به وليكي جمهور كبير بيحبك وفي ضهرك وبطلب منك بشكل شخصي تاخدي بالك من كلامك.

الإعلامي سعيد جميل يصطدم بـ رضوى الشربيني

وكان الإعلامي سعيد جميل اصطدم برضوى الشربيني وقام خلال برنامجه بنشر مجموعة الفيديوهات لرضوى الشربيني أثناء مهاجمتها للرجال وتُحرض السيدات على الطلاق، وقال: ليه كده يا استاذة رضوى ده أنا بحبك والله وعادي تتجوزي مرة واتنين وتلاته وعشرين طالما مش مرتاحة بس تفتكري العيب في العشرين  ولا في الست  ومينفعش نقول أن الست عندها مشاكل ولازم تصلحها عشان تستقر؟ هو ليه يا جماعة بقى أسهل حاجة عندنا نقولها اطلقي لا في حلول كتير غير الطلاق وخلوا الانفصال في آخر محطة ومش لازم ننزل في أول محط، أنا بقولكوا فكوا كل البلوكات وحاولوا بدل المرة مية، يا شيخة دي أحلى حاجه لحظات السعادة والحب بعد الخناق وبنبوس رأس بعض ونتصافى.