محسن محي الدين: ليه بنسمع كلام المخرج ومش بنسمع كلام ربنا وهذا أول أجر في حياتي

تحدث الفنان محسن محيي الدين عن تفاصيل قرار اعتزاله الفن هو زوجته الفنانة نسرين، كما كشف محسن عن أول آجر في حياته، كما كشف عن بداية تعاونه وعلاقته بالمخرج يوسف شاهين.

تحيا مصر يرصد لكم تصريحات الفنان محسن محي الدين

وقال محسن محي الدين خلال استضافته في برنامج بالخط العريض الذي يعرض عبر قناة الحياة: حصل تحول في حياتنا، بإن الناس مش هتشكل لنا حياتنا، وبدأنا نتعرف على الله، فإذا كنا ممكن نكون غلط، فلما نصلح حياتنا مش هيتخلى عننا.

محسن محي الدين: ليه بنسمع كلام المخرج ومش بنسمع كلام ربنا

وأضاف: أنا كممثل المخرج بيقولي احلق شعرك فبحلقه، ربي دقنك فبربيها، نط من فوق الكوبري فبنط، ليه أنا بسمع كلام المخرج ومبسمعش كلام ربنا، اللي بيقول اعمل كذا وكذا.
وتابع: موضوع الاعتزال والتقرب من الله مكانش نتاج سمع بس، إحنا كنا بنقرأ كتير، القراءة خلونا نفهم بشكل أعمق وأوسع.

محسن محي الدين: كنت بقبض 50 قرش

واستكمل: حبيت التمثيل، وكنت بكسب فلوس وأنا طفل، كنت بقبض 50 قرش، وبعدين بقى 2 جنيه، وبعدها 4 جنيه، وده كان وقتها رقم، كان في موظفين بياخدوا 3 جنيه.

محسن محي الدين: حبيت الإخراج بعد ما اشتغلت مع يوسف شاهين

وأضاف: بدأت مسرح سنة 70 مع المخرج كمال ياسين، والفنانة عقيلة راتب، وبعدين عملت 5 أو 6 أفلام، قبل ما أشتغل ما يوسف شاهين، وبعد ما اشتغلت مع يوسف شاهين، حبيت الإخراج، وأخدت قرار إني أدخل معهد السينما قسم تمثيل وإخراج، وشهرتي بدأت في 1975 بعد ما عملت مسلسل على بيه مظهر مع محمد صبحي، ومن بعدها فيلم أفواه وأرانب مع فاتن حمامة.
واسطرد: الفنانة رجاء حسين، كانت أمي في فيلم أفواه وأرانب، وزوجها الفنان سيف عبدالرحمن كان بيشغل مع يوسف شاهين، وكانوا محتاجين شباب، فرشحني، وبعدين شاهين اتعرف عليا، ورشحت له أحمد سلامة وعبدالله محمود للعمل أيضًا، وكان أول عمل ليا كان فيلم إسكندرية ليه، وقالي إنه اكتشف موهبتي بعد ما الفيلم خلص.