ريفى لتمويل المشروعات | تحذيرات من النصب والحرمانية

حذر أحد رواد مواقع التواصل الاجتماعى من التعامل مع شركة ريفى لتمويل المشروعات الصغيرة والمتوسطة، مشيرًا إلى عمليات النصب عند أخذ تمويل ريفى بالإضافة إلى الحرمانية على حد وصفه، ويقدم تحيا مصر التفاصيل حول تمويل ريفى للمشروعات الصغيرة والمتوسطة.

وظائف ريفى لتمويل المشروعات الصغيرة والمتوسطة.. اعرف التفاصيل

تمويل ريفى | مواطنون يشكون من تجاهل خدمة عملاء الرد عليها

ريفى لتمويل المشروعات

قال أحد المواطنين عن شركة ريفى على موقع "فيسبوك"،: "بصوا يا جماعة أنا مش بتاع شو اعلامي ولا اي حاجه انا كاتب البوست ده خوفا على مصالح الناس اللي هي ابو يا اخويا واختي وامي صاحبي يا جماعة خلوا بالكم من البنوك اللي بتدي قروض للناس باسم مساعده المشاريع او باي اسم اخر والبنوك دي نصابة وحرامية وانا مش ببتلي عليها هذه البنوك أو الشركات انا كتبت البوست ده بعد ما حصل معي موقف مش معي انا شخصيا مع واحد صاحبي مضطر راح يجيب قرض من بنك اسمه ريفي في قطور قابل مندوبة أو متحدثة باسم البنك قالت له الفائدة في الاول 21 وبعد شويه قالت له 25 في المئة بالمصاريف الادارية و كان متفق معها أن هياخد 20,000 جنيه يفاجئ يوم الصرف ان المبلغ 16000 جنيه وهيصرفهم 15,000 جنيه ويدخل على المحاسب ياخذهم 14660 جنيه وعليهم فائده 6046 جنيه في 17 شهر بما يعادل فائده سنويه .29.11 في المئدة على السنة".

وأضاف: "وانا قلت له بلاش تصرف بس للاسف هو كان مضطر و رتب شغله ووضعه على انه داخل له 20,000 جنيه عشان كده اخذ الفلوس وهو مضطر ودخلت للمندوبه وقلت لها كده نصب وان انا هانزل ده على صفحات النت قالت لي انت كده بتغلط فينا وتقول نصابين".

شركة ريفى

واستكمل: "طيب احكموا انتم هل ده يسمى ايه غير نصبر ويرد على زميل لها ويقول لى نزل اللي تنزله يعني مش همه حاجة فانا والله العظيم ما فيش ليا اي مصلحه هو ده اللي حصل بالحرف الواحد وانا بوعي الناس عشان هم بيستغلوا ان الناس مزنوقه ومفيش معها فلوس وكل الكلام ده بيبان ساعة الصرف الناس بتبقى رتبت امورها على كده فعشان كده الناس بتاخذ الفلوس وتمشي فرجاءً يا جماعة ابعدوا عن ريفي في قطور حرام عليكم نفسكم واللي انتم بتعملوا في نفسكم ده بوست لتوعيه الناس مش اكثر واللى حابب يجيب هو حر واسف على الاطالة".