تامر حسين يكشف كواليس أغنية يوم تلات والمقطع المحذوف منها

كشف الشاعر تامر حسين عن بداية تعاونه مع الهضبة عمرو دياب وكواليس التعامل بينهما، كما كشف عن الجزء المحذوف من أغنية يوم تلات.

تحيا مصر يرصد لكم تصريحات الشاعر تامر حسين

وقال تامر حسين خلال استضافته في برنامج معكم التي تقدمه الإعلامية منى الشاذلي عبر قناة سي بي سي: عرفت عمرو دياب في ٢٠٠٧ بس مشتغلناش سوا، و عمرو سمع أغنية مكنتش ناوي اودعك واتسربت عام ٢٠٠٨.

واضاف: أغنية وياه مع عمرو دياب كانت وش السعد عليا، وخدت أحسن أغنية في أفريقيا.

وكشف عن كواليس الأغنية وقال:  قولت لعمرو مصطفى في أغنية أنا بحبها ومكنتش عاجباه أوي و هو حس أن الأغنية لعبد الحليم وعمرو مهيبر بس لنا عمرو سمع الأغنية قاله انا هسجله ومغيرش فيها أي حاجة.
وتابع: انا استغربت جدًا أنها عجبت عمرو دياب ومغيرش فيها وسجلها في نفس الوقت انا اتجننت، وكانت الأغنية حلوه ومختلفة واتباشرت بيها وعمرو دياب اتفائل بيا جدا بعدها.

وتابع: الكيميا بيني وعمرو مشيت بينا وانا بحب عمرو دياب من زمان لما قربت منه حبيته جدًا.

تامر حسين: عمرو دياب لسه بيقولي أنا عايز أنجح 

وكشف: عمرو دايما بيقولي انا عايز أنجح وكنت فاكر أنه بيبالغ لكن هو لغاية دلوقتي بيقولي نفس الجملة وهو عايز ينجح وعنده شغف وطاقة ملهمة بيصدرها لكل اللي حواليه.

تامر حسين يكشف عن المقطع المحذوف من أغنية يوم تلات 

كما كشف عن المقطع المحذوف من أغنية يوم تلات وقال تامر حسين: الأغنية دي القفله بتاعتها أنها حلم وفانتزيا وفي كوبليه منزلش وهو:

  ليه يا نوم صحيت ده يوم على كيفي حلم  كان جميل كسرت مقاديفي  لو حكيت لناس هيقولوا ده خيالي هيقولولي دي قصة تأليفي.

الجدير بالذكر أن أغنية يوم تلات الهضبة عمرو دياب حققت نجاحا كبيرا فور طرحها على مواقع التواصل الاجتماعي.

كلمات أغنية يوم تلات

يوم تلات تلات بنات نادهوني
ع البساط بصات يا ناس عجبوني
قعدة وانبساط غدا وعزموني
فتفتوا الفتافيت وفتنوني
يوم تلات تلات بنات نادهوني
ع البساط بصات يا ناس عجبوني
قعدة وانبساط غدا وعزموني
فتفتوا الفتافيت وفتنوني
شكلها مؤامرة
أعشق السمرا
ولا أعشق البيضا
أم الخدود حمرا
الحياة حلوة
ويّا أم روح حلوة
كلهم حلوين جننوني
كل ما أجي أقوم أقول خليني
منتهى الجمال جمال على عيني
أمشي م المكان ده إيه يمشيني
لمة الحلوين بتغريني
شعرهم حرير يطير قدامي
صعب أشوف ده غير غير في أحلامي
سحرهم خطير يوصف إيه كلامي
يوم تلات وبكل أيامي
كل عود وعود أحلى م التاني
قلبي لم يعود ليا من تاني
كان في إيدي عود قولت بيه أغاني
والصباح رباح ياللي عجباني
كلمة كلمتين الليل قوام ليل
عشنا يوم جميل أحلى ما أتخيل
واحدة واحدة عليا بتميل
لو هعيش عمري هنا قليل
يوم تلات تلات بنات نادهوني
ع البساط بصات يا ناس عجبوني
قعدة وانبساط غدا وعزموني
فتفتوا الفتافيت وفتنوني