تامر حسين: أدين بالفضل لعامر منيب في مشواري الفني

كشف الشاعر تامر حسين عن بدايته الفنية وحبه لكتابة الأغاني ، كما تحدثت عن تعاونه مع الفنان الراحل عامر منيب، ودور الفنان عمرو مصطفى في مساعدته في مسيرته الفنية الناجحة.

تحيا مصر يرصد لكم تصريحات الشاعر تامر حسين 
وقال تامر خلال استضافته في برنامج معكم التي تقدمه الإعلامية منى الشاذلي غير قناة سي بي سي : بدأت وانا عندي ١٨ سنة وكنت بتعب والدي عشان كنت بروح الشهر العقاري وعايز اسجل الاغاني بتاعتي ومكنش ينفع غير بوجوده.

واضاف: والدي كان بيحب ام كلثوم وامي كانت بتحب تسمع عبدالحليم، وأنا كنت بسمع وبقى عندي تراكم كبير من الجمل وكنت بجيب الكتب وبشوف الكلام وكنت بحب النحو وبشوف البحور بتتكتب ازاي.

وتابع: في ثانوي الموضوع كبر واللي كان بيفدني اني بعرف اغني وكنت بقول الأناشيد الدينية في اعدادي وثانوي وكنت بحط ساعات بحط كوبليه زيادة على اغاني لعمرو دياب وعبد الحليم.
واستكمل: دخلت كلية حقوق ومكنتش لسه مركز في كتابة كلمات الاغاني و لما دخلت الكلية حبيت الكورال  وانا بحب الآلات.
وتابع:اتعرفت على ناس بيعملوا أغاني وكل سنة الناس بتحفظ اغانيهم و في واحد صاحبي عرفني على الملحن عمرو مصطفى وكان عمرو اشتغل في اكتر واحد بيحبك وطلع بقاله ٧سنين وكان عايز شعراء جداد وكان الشله فيها ٧ شعراء وعجبوا شغلي أنا بس.

الشاعر تامر حسين: عملت البوم انا نسيتك لعمرو مصطفى 

وكشف: اشتغلت كلمات كتير في الفترة دي عملت البوم عمرو مصطفى انا نسيتك كانت من كلماتي بس كانت الناس تقولي انت جامد بس ناقصك عمرو دياب.

تامر حسين يكشف عن بداية تعاونه مع عامر منيب 

وكشف عن بداية عمله مع الفنان الراحل عامر منيب وقال: اشتغلت مع عامر منيب وعملته أغنية جيت على بالي وكان وش الخير وكانوا بيقولوا لو اشتغلت مع عامر يبقى السنة الجاية مع عمرو دياب وهو كان بيستقبل المواهب وكانوا بيتبشروا بيه.
واضاف: كواليس العمل مع عامر منيب حلوة أوي هو كان قعدته حلوه وكان بيقعد يقولي عمرو دياب لو شافك هيشتغل معاك وهفكرك وهيمسك فيك وبكره تشتغل مع حبيبك وتبيعنا

تامر حسين يكشف سر وضعه صورة عامر منيب على السوشيال ميديا

وكشف عن سر وضعه صورة عامر منيب على حسابه وقال: حاطت صورتي مع عامر منيب لغاية دلوقتي ولما اتصورتا الصورة دي قالي بكره تتصور مع عمرو دياب وتنسى الصورة دي وعشان كده عمري ما شيلتها.

وتابع: أنا بدين للفضل لعامر منيب هو وش الخير عليا واتعلمت منه حاجات كتير هو كان راقي ومتواضع جدًا.