الجندي: الرئيس سهران 24 ساعة عشان خاطرنا.. فيديو

وجه خالد الجندي، عضو المجلس الأعلى للشؤون الإسلامية، رسالة شكر للرئيس عبدالفتاح السيسي، بمناسبة افتتاحه مدينة المنصورة الجديدة، اليوم، قائلا:"ألف مبروك علينا وعلى بلدنا رئيس سهران وتعبان وشقيان 24 ساعة عشان خاطرنا، شكرا ليك يا ريس".

تحيا مصر

وأضاف الجندي، خلال حلقة اليوم من برنامجه "لعلهم يفقهون" المذاع عبر فضائية "دي إم سي"، :"مبروك علينا رئيس مجتهد ونشيط ومكافح ومبيضيعش وقت، رئيس تعبان عشان بلدنا، وسهران على مصالحنا ، إحنا محظوظين بيك يا ريس".

الجندي: السيسي نعمة من ربنا لينا

وتابع:"إحنا مبنشوفش المشروعات إلا وهي بتتفتح، معندناش حاجة اسمها وضع سيادته حجر الأساس، ولا حط الأسمنت والطوب وبعدين خد بعضه ومشي و قال سلام عليكم و يا مولاوي كما خلقتني".

وأكمل:"إحنا عندنا رئيس بتاع أفعال لا أقوال أفعاله هي التي تتحدث، معقبا:" اللي عمله الرئيس و شوفتوه النهاردة دا إجراء عادي في حياته".

الجندي: ربنا يخليك لينا ياريس

وواصل:"الرئيس السيسي من يوم ما تولى الأمانة اللي ربنا أسندها إليه، ودي نعمة من ربنا سبحانه وتعالى علينا، مشيدا بحديثه مع الشباب خلال جولته التفقدية بكورنيش المدينة :"شوفوا بيكلم الشباب إزاي، هل شفتم في حياتكم حالة الحميمية والحب والتواصل مع ولادنا وشبابنا والبساطة، دا أول رئيس يكون يكسب قلوب الشباب".

وأردف:"منذ تولي الرئيس السيسي، مشوفناش حاجة اسمها  مدرسة عبدالفتاح السيسي، أو مصنع السيسي، أو مستشفى السيسي، أو كوبري السيسي، مفيش الكلام ده، دا أول رئيس يكون عنده إنكار للذات ويعمل في صمت، مختتما:"الرئيس السيسي يستاهل نقول له ربنا يجازيك عنا كل خير يا ريس، وميحرمناش منك".

وافتتح الرئيس عبد الفتاح السيسي، صباح اليوم، مدينة المنصورة الجديدة وجامعة المنصورة الجديدة، ويتفقد قرية الحصص بمركز شربين إحدى قرى مبادرة حياة كريمة.

وتعد مدينة المنصورة الجديدة إحدى شرايين التنمية في ساحل مصر الشمالي، حيث تحتوي على جميع المرافق والخدمات من مناطق حكومية وأسواق، ودور عبادة ومناطق ثقافية وترفيهية ومناطق خاصة بالمطاعم وحدائق مركزية بإطلالة على ساحلية على البحر المتوسط بطول 15 كيلو مترًا.