مي حلمي عبر انستجرام: جنب كلمة اقدام نوايا

حرصت الإعلامية مي حلمي على مشاركة متابعيها، حكمة صباحية وذلك عبر حسابها الرسمي بموقع تبادل الصور والفيديوهات الشهير انستجرام. 

تحيا مصر يرصد لكم تفاصيل حكمة مي حلمي 

مي حلمي: في ناس بتدخل حياتك تنحسك

وكتبت مي حلمي عبر خاصية ستوري بانستجرام: في ناس بتدخل حياتك تنحسك والدنيا تتقفل في وشك، وناس تخرج من حياتك البركة تروح عشان وشهم كان حلو أو وجودهم كان سبب رزقك. 

وتابعت: وناس اول ما يمشوا من حياتك تنجح وتفلح وتعلى والنحس يتفك، وناس تيجي تزودك وتحل البركة وشكلك يبقى احلى وحياتك تتغير والرزق يزيد والنجاح يكبر اكتر واكتر.. جنب كلمة اقدام نوايا.

التنمر على مي حلمي 

وكانت قد صرحت مي حلمي عبر حسابها الرسمي بموقع تبادل الصور والفيديوهات الشهير انستجرام، أنها لن تتنازل عن القضية التي قيدتها ضد إحدى مقدمات البرامج على السوشيال ميديا واعتذرت لكل شخص طلب منها التنازل عن القضية.

وقالت مي حلمي خلال فيديو عبر ستوري حسابها بموقع انستجرام: المرة دي بعتذر ليكم أنا مش هاخد رأيكم، الناس سألت عليا طوب الأرض عشان أتنازل ولكن لن أتنازل، لأن لازم يكون في عقل قبل ما نعمل أي حاجة، مش عاوزة أبوّخ في الكلام عشان ما يتحسبش عليا، لأني من بيت متربي.

وتابعت: كان لازم يكون في عقل قبل ما نخوض في عرض حد أو نتكلم عن حد وأنا مش هتنازل ولا بمليون آسف أو آسفة ولا تعويض يراضيني ولا عاوزة فلوس ولا عاوزة أي حاجة أنا عاوزة أخد حقي من أي حد يتنمر على أي حد أو تسول له نفسه أنه يحكم على حد طول ما ربنا موجود وقضائنا عادل وشامخ وإحنا في دولة قانون.

مي حلمي: مش هسيب حقى وليا حق كبير 

وأردفت، قائلة: كان ليه من الأول! علشان إيه نهين عيلتنا وبيتنا واسمنا ومستقبلنا عشان كام لايك ومشاهدة ومبسوطة بنفسي إن قلبي ما حنش ولا رق وكلمة عفا الله عما سلف ما تجيش في أهل بيتك ولا عرضك ولا سمعتك وشرفك كان فين العقل قبل ما نعمل حاجة تسيء لبني آدم ما أسأش لينا وما ضرناش وما شفناش منه حاجة وحشة وما عشرناهوش آسفة لن أتنازل، ريحوا مجتهوداتكم وما تبعتوش ليا حاجة تاني ولا أي حد يكلمني لأني ليا حق كبير أوي.

وأضافت قائلة: أكتر حاجة أتعلمتها ما أسبش حقي مهما كان ونصيحة مني ما تسيبوش حقكم عاوزين تتنمروا عليا قدام الجميع والمصالحة تكون في الخفى أنا مش بتاعة مشاكل لكن مش هسيب حقي وعشان تكونوا عبرة لمن يعتبر.