لبلبة: نفسي أشيل الطفلة اللي جوايا.. وطفولتي مكانتش سهلة| فيديو

تحدثت الفنان لبلبة عن طفولتها واستمرار روح الطفولة بداخلها حتى الآن، وذلك خلال حوارها اليوم ببرنامج “كلمة أخيرة” مع الإعلامية لميس الحديدي على شاشة تلفزيون قناة “أون”.

تحيا مصر يرصد تفاصيل تصريحات لبلبة في “كلمة أخيرة”

حيث قالت لبلبة: “أنا نفسي أشيل الطفلة اللي جوايا عشان بتكسف لأني ساعات بعمل حاجات زي العيال، ممكن أجري في الشارع أو أهزر هزار زي الأطفال، الطفولة بالنسبالي حتة اتمنتجت من حياتي”.

طفولة لبلبة

وتابعت: “لأن طفولتي كلها كانت مسئوليات وحفظ أغاني، وبيبقى جوايا خوف، هل أنا هطلع كويسة في الفيلم دا، ونيازي مصطفى سماني لبلبة لما قابلته أول مرة وقالي اسمك ايه يا حلوة فقولتله أنا اسمي نونيا”.

وأضافت: “وحسيت أنه محبش الاسم دا فقولتله هو أنت اختارت يبقى اسمك ايه، فقال ايه دا دي عاملة زي اللبلب ومن هنا سموني لبلبة، ولما كبرت وبقى عندي 20 سنة قولت لماما انتي خلتيهم يسموني لبلبة، فقالتلي واحنا كنا هنعرف منين أنك هتكملي في الفن”.

تصريحات لبلبة عن التريند والسوشيال ميديا

وفي وقت سابق، كشفت الفنانة لبلبة عن رأيها في التريند والسوشيال ميديا بشكل عام، وذلك خلال لقاء لها ببرنامج “ذا انسايدر بالعربي”، على هامش تكريمها بمهرجان القاهرة السينمائي الدولي الـ 44.

حيث قالت لبلبة: “معرفش يعني ايه تريند.. أنا مليش في السوشيال ميديا الحقيقة.. ابص الاقي حد بيقولي يا مدام نونيا انتي طلعتي تريند.. أقوله يا ابني طلعت تريند ايه هو ايه اللي حصل”.

وتابعت: “قالولي تريند يعني أكبر عدد من الناس شافوها.. قولت طيب كويس.. أنا مش متتبعة السوشيال ميديا ومليش فيها لكن هي مهمة جدا”.

أخر أعمال لبلبة

ومن الجدير بالذكر أن أخر أعمال لبلبة مسلسل “دايما عامر” الذ تم عرضه على شاشات التلفزيون في الموسم الرمضاني الماضي، وكان يناقش عدة قضايا هامة مرتبطة بالتعليم كالفرق بين المدارس الحكومية والخاصة، وتأثير الطلاق بين الآباء على مستوى التحصيل الدراسي لدى الأبناء، وغيرها من القضايا الهامة.

وشارك في بطولة المسلسل عدد كبير من النجوم والنجمات، منهم: مصطفى شعبان، لبلبة، سينتيا خليفة، عمرو عبد الجليل، أحمد الشامي، ميرنا نور الدين، محمد ثروت، كريم عفيفي، سماء إبراهيم، سام عادل، لمى كتكت، شريف دسوقي، وغيرهم، والمسلسل من تأليف مايكل عامل وأيمن سليم، ومن إخراج مجدي الهواري.