عميل المصرية للاتصالات we يشكو: مضطرة اتعامل معاكم عشان التليفون الأرضي

اشتكى عميل المصرية للاتصالات We من سوء التعامل مع الخدمات المقدمة، مشيرًا إلى إنه مضطر التعامل مع المصرية للاتصالات بسبب التليفون الأرضي لأن شركة المصرية للاتصالات هى الرائدة في عالم الاتصالات، وينشر تحيا مصر التفاصيل المقدمة عن الشكوى.

دفاع الشيوخ تناقش دراسة حول  ترسيخ قيم الشخصية المصرية

سحر طلعت مصطفي تطالب بضرورة الاستفادة من المهرجانات السينمائية في الترويج للسياحة المصرية

عملاء المصرية للاتصالات

قال أحد عملاء المصرية للاتصالات على "فيسبوك"،: "هحكي تجربتي مع Telecom Egypt أسوأ شركة ممكن الواحد يتعامل معاها وللأسف احتكارهم للتليفون الارضي مضطرني إنى اتعامل معاهم".

وأضاف: "مشكلتي الحالية بدات من شهر 8 اللي فات لما النت قطع واكتشفت ان المشكلة في التليفون الأرضي كلمتهم قالولي معلش السنترال بيعمل شوية تحديثات على الخط وهتخلص خلال 4 ساعات زي ما السنترال موضح يعدي الاربع ساعات ومفيش حاجة اتصلحت كلمتهم تاني قالولي السنترال كان كاتب خلال اربع ساعات وشالها ف احنا حاليا مش عارفين هتخلص امتي تاني يوم التليفون اشتغل والدنيا تمام".

المصرية للاتصالات

واستكمل: "بعد أقل من شهر نفس الموضوع اتكرر بالضبط ونفس الأربع ساعات وبرضو بعد كدا رجع في كلامه والمرادي التليفون فضل عطلان 3 ايام قولت مش مشكلة مرة أو اتنين وبتحصل".

وتابع :"بعد أقل من اسبوعين نفس المشكلة اتكررت ومن ساعتها بشكل دوري (كل أسبوع حاليا) نفس المشكلة ونفس الحجة ومحدش عارف الخدمة هتشتغل امتي والخدمة ممكن تفضل مقطوعة لمدة 3 أيام".

وقال: "مع العلم إني ساكن في منطقة جديدة والخطوط فايبر اصلا ف مفيش حاجة محتاجة تحديث في الخطوط ولو حتى فيه في الموضوع ميفضلش مستمر 8 شهور".

وعلق:الموضوع بقي زايد عن حده وبقي استهبال لدرجة مش طبيعية وخدمة العملاء مش عارفين اي حاجة كل اللي عارفينه ان الخدمة قاطعة من السنترال ولما سيادته يخلص هترجع (بالمناسبة لما الموضوع بقي بيتكرر قفلوا اني اقدر اوصل لخدمة العملاء اصلا وبقوا يسمعوني رسالة صوتية ويقفلوا الخط)".

وأشار إلى أنه قدم شكاوي في كل الاقسام اللي في الشركة ومليت الفورم الاونلاين اللي بيحطوها علي بوستاتي وقدمت شكاوي قد كدا في الهيئة القومية لتنظيم الاتصالات وكل مرة شركة وي بتقفل الشكوى بحجة ان المشكلة اتحلت ويعدي أقل من أسبوع والمشكلة تظهر مرة أخري.