والدة محمد ضحية الغدر بالفيوم: ابني حبيبي اتقتل غدر | فيديو

محمد ابن عمه قتله بمنجل وهو شغال في الأرض الزراعية.. بتلك الكلمات بدأ والد الصبي محمد حديثه مع تحيا مصر ليروي لنا تفاصيل مقتل نجله على يد أولاد أعمامه.

وفاة الطفلة نور ضحية الإهمال الطبي بالغربية

هتاخد فلوسك بعد ما تنضف التنك.. تفاصيل جديدة ترويها والدة ضحية انفجار محطة وقود بالغربية|فيديو

تحيا مصر

قال والد محمد  "ابني كان معاه ابن عمه الصغير عنده 4 سنين في الأرض الزراعية وأولاد عمه التاني سألوا الولد الصغير عليه قالهم دا في الأرض تحت ونزلوا وراه ودبحوه وغطوا جثته بالبوص وسابوه ولما روحنا ندور عليه الولد الصغير لقيناه عمال يعيط وخايف وهو اللي قالنا أن محمد في الأرض جوا".

«ابني اتقتل غدر»

وأضاف بحزن وحسرة قائلاً: اللي عمل فيه كدا كان بيضرب كف على كف ويقول حسبي الله ونعم الوكيل في اللي عمل في ابني عمي كدا وإحنا اتصدمنا من موت ابني دا هو الوحيد على 3 بنات وكان شايل البيت معايا وكان راجل". 

وأوضحت والدة الصبي محمد "أنا عايز أعرف ابني اتدبح لية دا إحنا مكناش بنعادي حد ودبح ابني من غير سبب خالص بداية الموضوع لما ابني غاب عن البيت لغاية بعد صلاة المغرب وقلقنا عليه وروحنا نشوفه في الأرض لقينا ابن عمه الصغير عنده 4 سنين عمال يعيط ويجري وينادي على محمد".

«حرقوا قلبي على ابني» 

واستكملت الأم المكلومة حديثها والدموع على خديها " لما روحنا لقينا محمد مرمي ومتغطي بالبوص الناشف واللي عملوا فيه كدا كانوا بيدورا عليه معانا وأبو اللي قتل ابني وأخوه كانوا بيدوروا عليه معانا وكان بيقول حسبي الله ونعم الوكيل في اللي عمل كدا ومحدش كان بيغير منه إلا  الناس دي".

وأوضحت "أنا عايزاهم يتعدموا علشان حرقوا قلبي علية وحرقوا دمي على ابني الوحيد محمد راح ظلم وراح غدر ومش لاقيين سبب خالص لي اللي عملوه دا دبحوه غيره وكره وكانوا بيغيروا منه ومفيش سبب خالص أنه يموت مدبوح وحسبي الله ونعم الوكيل فيهم والله ابني راح ظلم وغدر دامحمد ابني الوحيد على 3 بنات وحرقوا قلبي أوي عليه.

واختتمت الأم حديثها قائلة "راح من غير سبب خالص واتاخد ظلم وعمر ما حد اشتكى منه ولا جاب لينا مشكلة ومفيش مشاكل بينا وبين أي حد من الناس اللي في البلد ومكناش متوقعين أن ابن عمه اللي يعمل فيه كدا وروحنا لقيناه ميت ومتغطي بالبوص وولاد عمه دبحوه من غير سبب خالص".