ويجز: معنديش مانع أغني بفرقة بس مش دا اللي الناس عايزة تسمعه

كشف مطرب الراب الشهير ويجز عن السر وراء أسلوب ملابسه الغير تقليدي، ورأيه في قرارات نقابة الموسيقيين بشأن مطربي الراب، وذلك خلال لقاء له ببرنامج “إم بي سي تريندينج”.

تحيا مصر يرصد افاصيل تصريحات ويجز الأخيرة

حيث قال ويجز عن أسلوب ملابسه: “دا ذوق ناس تانية وانا مبخدش اي قرار مني لنفسي وعمري ما لبست نفسي.. عايز أعمل خط إنتاج لبس تاني بس طبعا عايز أدرس الموضوع وأفضي نفسي ليه”.

تعليق ويجز على قرار النقابة

أما عن قرارات نقابة المهن الموسيقية قال ويجز: “معنديش مانع أطلع معايا فرقة على المسرح بس مش دا اللي الناس جاية تسمعه، ومحستش أن الناس خدت وقتها عشان تدرس القرار اللي هي اخدته”.

أزمة ويجز الأخيرة 

من ناحية أخرى، كانت قد شهدت الساحة الفنية مؤخرا، جدل كبير بين رواد مواقع التواصل الإجتماعي، بسبب سوء تنظيم حفل ويجز الذي أقامه في مدينة التجمع الخامس، اذ انتشرت صور وفيديوهات لـ اقتحام الجماهير حفل مطرب الراب ويجز، وقفزهم من الأسوار، وذلك بعد منعهم من دخول الحفل بسبب تخطى عدد الحاضرين لـ 20 ألف شخصا.

وشاركت إحدى الحاضرين لحفل ويجز في التجمع فيديو حصري من داخل مكان الحفل، وقالت فيه: “حفلة ويجز اللي مفيش مكان في مصر حاطين له إعلان، الناس بتنط من فوق السور مع أنهم دافعين في التيكت 2400 جنيه، والناس واقفة بره ومش عارفة تدخل، مفيش تنظيم ولا إدارة وفلوسنا اتسرقت، دافعين 2400 جنيه علشان ندخل زي الحرامية بعد ما فتحوا البوابات”.

أغنية أميرة

وكانت أغنية أميرة لويجز حققت نجاحًا كبيرًا حيث تخطت الأغنية الـ 9 مليوم مشاهدة عبر قناته بموقع الفيديوهات الشهير يوتيوب.

كلمات أغنية أميرة

إيه يا أميرة عن يدي بعيدة
عايشة عيشة غير العيشة
وأنا على بابه أحلامي بسيطة
ما عدا حلم إني أكفيها

ومعيش، ومنين هنجيب؟
بشر بتجري، بتجري، بتجري وقرش خسيس
بعلّي حسي، بقول وبعيد
يا زهر مالك، سيبنا نعيش

أنا مش زي إمبارح، طمعت في الحاجات
من إمتى كانت فرقالي، غير لما الأميرة جات
أنا مش زي إمبارح، طمعت في الحاجات
من إمتى كانت فرقالي؟
أنا مش زي إمبارح، طمعت في الحاجات
من إمتى كانت فرقالي، غير لما الأميرة جات