سميرة صدقي: لو الست احتوت الراجل مش هيفكر يخونها وكل عيد ميلاد ليا بيجوزوني

تحدثت الفنانة سميرة صدقي عن العلاقة الزوجية بين الرجل والمرأة والسبب في خيانة الرجل لها وذلك خلال لقائها في برنامج “قعدة ستات”، المذاع على قناة القاهرة اليوم.

تحيا مصر يرصد في ذلك التقرير تصريحات سميرة صدقي في برنامج قعدة ستات

سميرة صدقي: لو الراجل لقى في الست الاحتواء مش هيطلع برة

وقالت سميرة صدقي خلال البرنامج: الراجل والست مش محتاجين غير الاحتواء، ولو الراجل لقى في الست الاخت والصاحبة والزوجة والصديقة والرفيقة مش هيفكر انه يبقى نكدي او يطلع برة او يخونها.

وتابعت: مشكلتنا انه بيتخطبوا بيطلعوا الحاجة الحلوة و اما بيتقفل باب الواحد بيقلع الماسك وبيبان على حقيقته، عشان كدة قصتهم بتفشل وبيعيشوا على مضض، لأنه في فترة الخطوبة مش بيبانوا على حقيقتهم فبيبدأ يحصل مشاكل بينهم على الفلوس والمسؤوليات وانها مش بتكيف نفسها على عيشتهم.

سميرة صدقي: كل عيد ميلاد ليا كانوا بيجوزوني

وعن شائعة زواجها العديدة، قالت: كل عيد ميلاد ليا كانوا بيجوزوني، لكن انا اتجوزت مرة واحدة في حياتي وتوفى والسبب في انه يطلع عليا جوازاتي الكتير هو ان انا عندي فندق في العتبة اسمه الكرنك واللي بيجي مغتربين كان بيقعد في الفندق فبدأ يطلع اشاعات.

سميرة صدقي: اسمي كان بيتحط على اي فيلم واقل عمل انا قدمته اعلى من الموجودين

وكانت قد تحدثت سميرة صدقي عن جاتلي فترة اسم سميرة صدقي بيتحط في فيلم وبيتباع بيه، اول اسم بيتقال كان سميرة صدقي وبعد كدة بيتجمعوا عليه، بعد كدة اتهموني باني بطلة افلام مقاولات مع ان اي فيلم انا قدمته، كلمة مقاولات متتقالش الا على حاجة واحدة ياما شروخ بطيخ يإما مباني، انما في السوط الفني بيتقال فن تكلفة بسيطة وفن تكلفة عالية والتكلفة ملهاش علاقة بالممثل وفيه مخرج يوفر ومخرج لا”.

وتابعت: كل افلامي كانت بتقدم قضية، اقل فيلم انا عملته بيحكي مشكلة وقضية الافلام اللي عملاها اعلى من الموجودين دلوقتي وفيه افلام كتير ملهاش مواضيع، دا غير افلام السينما زي افلام السقا وغيرهم بيكون مصروف عليها ومخدومة.