عمر خورشيد لـ تحيا مصر: البلوجرز أثروا كتير على الفنانين في المجال والجمهور بيقيس نجاح العمل بالتريند

تحدث الفنان عمر خورشيد عن ظاهرة التريند التي انتشرت خلال الفترة الحالية وذلك في تصريح خاص لموقع تحيا مصر.

تحيا مصر يرصد لكم تصريحات الفنان عمر خورشيد

وقال عمر خورشيد: شايف أن البلوجرز والتيك توكر اثروا كتير في مجال الفن وكان بيطلب مني اشاركهم في عمل فني لكن كنت برفض لأني مش بحب انضم للنوعية دي من الاعمال لأني شايف أن الموضوع تجاري أكتر من انه فن ومش عيب يكون تجاري لكن ايه القيمة اللي بتقدمه.

وكشف: أثناء صعودي إني ابقى ممثل كنت مؤمن ان لازم يبقى في دراسة وشهادة وعضوية نقابيه بس بعد ما حصل الانفتاح ده.

عمر خورشيد: الجمهور بيقيس نجاح العمل بالتريند

وتابع: احنا بقينا نشوف التريند أكتر ما بنشوف العمل الفني والجمهور العادي بقى يشوف الفيديوهات الـ 30 ثانية أكتر من الفيلم اللي بيبقى ساعة ونص وبيقيس نجاح العمل بالتريندات اللي حصلت عليه وكم القفشات اللي طلعت من العمل.

وأضاف: مبقاش في مقاييس ولا دراسة تحتم انك تبقى مشهور أو فنان في الوقت الحالي والمهم الأستمرارية، كذا حد كلمني وقالي هتيجي تطلع في الفيديو بس وكل حاجه جاهزة وانا لو هعمل حاجة على اليوتيوب هعمل حاجة بشكل بروفيشنال وهيبقى الموضوع مكلف جدا والموضوع متعب وهياخد وقت مني كبير، وأنا رفضت لأن الموضوع بياخد وقت ومجهود كبير جدًا وانا هستفيد بالوقت والمجهود ده في اعمال فنية مسلسل او فيلم.

عمر خورشيد: لو أتعرض عليا مشاهد بوس هوافق

وكشف خورشيد: مبقاش في اعمال فيها اغراء او مشاهد ساخنة وعمر ما اتعرض عليا فيلم في مشاهد بوس ولو اتعرض عليا اكيد هوافق ياريت.

عمر خورشيد: لو اتعرض على مراتي ياسمين الجيلاني مشاهد إغراء هوافق

وتابع: مراتي ياسمين الجيلاني مش بتدخل في أعمالي الفنية ولا أنا بتدخل في أعمالها وساعات بتقولي بلاش تعمل العمل ده لانه هيوقعك بقولها حاضر وبعمله، ولو اتعرض على ياسمين أدوار اغراء هوافق بس الفترة الحالية مفيش مشاهد كده.

واستكمل: مراتي لما عرفت ان هي حامل قررت ان هي مش هتمثل وهتركز مع بنتها لغاية ما تكبر وكانت بترفض وبتعتذر قبل ما يجيلها السيناريو، بنتنا حاليًا دخلت المدرسة وياسمين هترجع تمثل تاني وانتظروها في عمل قريب.