عشنا معاه أحلى أيام وكان بيحب الخير.. تصريحات مريم عامر منيب عن والدها

حرصت مريم عامر منيب، ابنة الفنان الراحل عامر منيب على احياء ذكرى وفاة والدها بـ الحديث عنه في مداخلة هاتفية لـ برنامج الستات ما يعرفوش يكدبو، الذي تقدمه الإعلاميتين منى عبدالغني ومها الصغير.

تحيا مصر يرصد في ذلك التقرير تصريحات ابنة عامر منيب عن والدها في ذكرى وفاته

مريم عامر منيب: بابا كان بيحب يساعد الناس وعيشنا معاه أحلى الأيام

وقالت مريم عامر منيب عبر البرنامج المذاع على قناة cbc: “بابا كان دايمًا بيحب يساعد الناس وكريم ويحب يجبر خاطر الناس وفاكرة مرة كنا في الشارع وفي حد زعلان نزله وسأله مالك الموقف دا عمري ما انساه في حياتي”.

وتابع: “بابا كان بيحب لما نكون معاه نسمع الأغاني القديمة، وكان أحب الناس إليه عبد الحليم حافظ، حقيقي عشنا مع بابا أحلي أيام وكان دائمًا حريص على إنه ويدينا المدرسة، وياخدنا معاه في الاستديو وياخد رأينا في أغانيه برغم إننا كان صغيرين”.

مريم عامر منيب تكشف كواليس أغنيتها مع والدها

وتطرقت مريم عامر منيب بـ حديثها عن كواليس أغنيتها مع والدها رغم رحيله، فقالت: طول عمري كنت بحلم أغني دويتو مع بابا لكن ما حصلش، فماما شجعتني إني اعمل الأغنية دي واركب صوت وصورة بابا معايا فيه.

وكانت قد طرحت مريم عامر منيب دويتو غنائي يجمعها بوالدها، اذ قامت باستحضار عمل غنائي قديم له وشاركت هي بكلمات جديدة، وكانت الأغنية بعنوان “عامل اي في حياتك”، وحقق العمل نجاحات ساحقة فور طرحه على موقع الفيديوهات الشهير يوتيوب، ولازال الجمهور يتداول الأغنية حتى الأن.

كلمات أغنية عامل ايه في حياتك

وأتت كلمات أغنية عامل ايه في حياتك لـ عامر منيب وابنته: عامل ايه في حياتك يا حبيبي طمني عليك ده أنا ذكرياتك حب عمرك اللي مش ناسيك اطمن يا حبيبي علية واللهي بخير أنا شايفاك دايما حوالية مش ناقص غير حضنك وشوية حنية وحشوني كتير عامل ايه في حياتك يا حبيبي طمني عليك أنا صورتك دايماً قدامي وما فارقتنيش ويوماتي معاية في أحلامي وما بتسبنيش على وعدي معاك أرفع اسمك وفي قلبي تعيش عامل ايه في حياتك يا حبيبي طمني عليك ده أنا ذكرياتك حب عمرك اللي مش ناسيك وحشاني أيامنا وخروجتنا أجمل أيام ووحشني الحضن اللي تاخذني فيه قبل ما أنام ووحشني حبيبي تغنيلي وأنا أقول يا سلام.