مش معترف بأغاني المهرجانات وبسمع ألحاني لما ببقى مبسوط.. أبرز تصريحات عزيز الشافعي في راديو إنرجي

حل المؤلف والملحن عزيز الشافعي مساء اليوم ضيفًا على محطة راديو إنرجي مع المذيعة زهرة رامي، وأثناء الحلقة تحدث الشافعي عن الكثير من الأمور التي تخص حياته الفنية وعلاقته بزملائه المطربين والفنانين في الوسط الفني عموما، وفي ذلك التقرير سيرصد موقع تحيا مصر أبرز تصريحاته في الحلقة.

أبرز تصريحات عزيز الشافعي على راديو إنرجي

- مش بعترف بأغاني المهرجانات بس دا ميلغيش اعترافي بنجاحها

- أغنية ولاد الناس عجبتني وحسيت أنها هتبقى حلوة بصوتي، وإنها بتمثلني

- أنغام إحساسها جبار بيوصل في كل جملة بتغنيها

- أنغام كلمتني ساعة أغنية أنا غلطان وقالتلي ايه اللي أنت عامله دا، أغنية حلوة جدا إزاي مسمعتهاليش

- رامي صبري متمكن من صوته وليه شخصية غنائية فببقى مبسوط لما بسمع أغنية ليا بصوته وشغالين دلوقتي مع بعض على أغنية جديدة

- عشت حالة أغنية أنا غلطان وقدرت استحضرها وأنا بكتب الأغنية

- العود هو آلة المطرب والملحن، هو الأداة اللي بتمثلنا

- معرفش أعمل جملة لحنية منغير ما يكون معايا كلام.. لازم أعيش في حالة الكلمات عشان ألحنها

- روبي كانت مقتنعة بأغنية نمت ننة من أول لحظة

- أغنية ونفضل نرقص كان فيها جرأة وكانت مختلفة عن الأغاني اللي عملتها قبل كدا لأنغام

- سميرة سعيد بتغني الشرقي والغربي مظبوط مش بنستغربها في أي جملة لحنية

- لما ببقى في حالة شجن بحب أسمع عبد الوهاب والملحنين وهما بيغنوا ولما ببقى مبسوط بحب أسمع ألحاني

- من أكتر الفنانين اللي عايز أشتغل معاهم علي الحجار ومحمد الحلو والكينج محمد منير وأصالة وإليسا وشيرين

إيهاب توفيق وعزيز الشافعي في أغنية ليكي عندي

ومن ناحية أخرى، يتعاون الفنان المصري إيهاب توفيق في أغنية جديدة مع الملحن عزيز الشافعى وأحمد عادل، وذلك بعد نجاح لاغنية “ليكي عندي”. 

وكان المطرب إيهاب توفيق قد طرح أحدث أغنياته التي تحمل اسم "ليكي عندي"، على موقع الفيديوهات الشهير "يوتيوب" وهي من كلمات تامر حسين وألحان عزيز الشافعي وتوزيع وسام عبد المنعم.