"مراتي أكبر مني في السن وبتحسسني أني عيل صغير " مأساة رجل أمام محكمة الأسرة

" مرأتي أتجوزتني وهي عانس وأنا بالرغم من كدة كنت بحبها وشاريها " بتلك الكلمات روي زوج لتحيا مصر من أمام محكمة الأسرة عن زوجته التي تكبره في العمر بأعوام حيث تزوجها بعد أن ظنت أن فاتها قطار الزواج وهي بالرغم من ذلك لم تحسن معاملته حتي نفر منها ورفع عليها قضية أنذار طاعة في محكمة الأسرة.

تحيا مصر

أعجبت بـ مرأتي وطلبتها للجواز رغم أني كنت عارف أنها كبرت وعنست 

بدأ الزوج حديثه لتحيا مصر :" أنا عندي 28 سنة  قضيت سنينن كتيرة عايش في السعودية بشتغل محاسب لحد ما رجعت عشان خاطر والدتي كانت تعبانة وهي دلوقتي توفت ولما رجعت كانت مراتي بتدي دروس خصوصية لأخواتي الصغيرين أتعرفت عليها وأعجبت بيها وبشخصيتها القوية ونجاحها خصوصا أنها كانت مخلية أخواتي شاطرين جدا علي أيديها فقررت بعد شوية وقت من تواجدها عندنا في البيت بشكل مستمر أني أخد خطوة ناحيتها بشكل رسمي وأطلب أيديها ".

لما كلمت والدي عليها قالي دي معنسة وأكبر منك شوف واحدة في سنك 

وتابع :" لما جيت أحكي لوالدي أني عايز أتقدملها زعل وقالي " أنت أبني الكبير ومش هقبل أن أول جوازة ليك تبقي من واحدة أكبر منك في السن وطبعها شديد بالشكل ده دي عندها 35 سنة وأنت يادوب عندك 28 سنة " لكن أنا بمحاولات كتير مني أقنعته أني حاببها وشاريها وبمعاملتها لأخواتي حاسس أنها هتبقي أم شاطرة لأولادي ومش معني أن بطل يجيلها عرسان كتير يبقي هي كدة معيوبة ممكن يبقي لسة نصيبها مجاش وأنا عايز يبقي نصيبها معايا أنا وتبقي مرأتي ".

أتجوزتها وبعد الجواز ندمت أني أختارتها وهي مكنتش بتبطل تعاملي علي أني عيل صغير 

وأستكمل :" بعد جوازنا خلفنا بنتين كانت كويسة في البداية وبعد كدة بدأت الاحظ أنها دايما تقلل مني وتحسسني قدام نفسي وقدام الناس أن هي الكبيرة كل ما أجي أتحكم فيها ولا أديها أي أوامر بصفتي جوزها وليا حق عليها تقولي " أنت فاكر نفسك هتمشيني علي هواك أنت مش واخد بالك من فرق السن اللي بيننا ؟ " وبعدها كانت ترجع وتعتذرلي وأنا في كل مرة كانت تقولي الكلام ده كنت بمسك لساني ومبرضاش أقولها أنها من غيري كانت هتفضل من غير جواز بسبب سنها الكبير لحد ما جت في اخر فترة قالتلي في مرة " أنا أتخنقت منك ومن تحكماتك أنا أية اللي خلاني أتجوز واحد أصغر مني يكسفني قدام الناس كلها " وخدت البنات وراحت لأهلها وأنا جيت أنهاردة أعملها في المحكمة أنذار طاعة عشان أدبها علي اسلوبها معايا وعشان مش عايز الامور بيننا توصل للطلاق وأتحرم من عيالي بسببها "