يسرا اللوزي: جالي مرض نفسي بسبب الضغط والمتنمر ده عديم الرحمة

كشفت الفنانة يسرا اللوزي أنها اصيبت بمرض نفسي بسبب كثرة الضغوطات التي واجهتها، كما تحدثت عن مرض ابنتها، وعن التتمر الذي تعرضت لها هي وابنتها بسبب مرضها.

تحيا مصر يرصد لكم تصريحات الفنانة يسرا اللوزي

وقالت يسرا خلال استضافتها في برنامج كلمة أخيرة التي تقدمه الإعلامية لميس الحديدي ويعرض عبر قناة أون تي في: كان عندي مرض نفسي بسبب الصغط عليا وحسيت من كام سنة إني باجي على نفسي في الشغل وعرفت ان عندي مرض نفسي من دكتور والسنة اللي فاتت كانت صعبة بالنسبالي بنتي كانت بتعمل عملية في المخ ووالدي اتوفى وكنت حاسه إني قفلت ومكنتش برد على التيلفونات ولسه في أصحاب قريبين ليا مش عارفه أكلمهم عشان خايفة حد يسالني كنت مختفية فين.

وتابعت:جالي المرض النفسي من تلت سنين وجالي ارهاق جسدي ومعنوي وبدات اروح لدكتور نفسي وكنت لما حد بيطلب مني حاجه بعملها وأضغط نفسي والضغط ده بيأثر بعدها أنك مش بتقدري تعملي إي حاجة حتى لنفسك.

يسرا اللوزي: التنمر اللي حصل ده ليفل الوحش

وعن التنمر على ابنتها قالت يسرا: ده ليفل الوحش في التنمر فيه ناس عادية بتتنمر على الحاجات العادية زي إلى بيقال للفنانات أو الشخصيات العامة مثل تخنت رفعت ولكن إلى حصل في المرة دي كان ليفل الوحش وهي التنمر على طفلة تواجه مشكلة إعاقة

يسرا اللوزي: المتنمر شخص عديم الرحمة

وتابعت: إتقلي قبل كده من سنتين ورديت وقتها بكل ادب وانا مش لاقية كلمة اوصف بها المتنمر لان ده شخص عديم الرحمة والانسانية ولكن ببصله أنه ضحية لان نظرتي ليه أنه شخص غير سليم.

يسرا اللوزي: الرجالة عايزة الستات كاملة وهما مش بيبصوا في المرايا

وذكرت أن التنمر الذكوري مشكلة كبيرة في المجتمع المصري في تعليقهم على أجسام الفنانات قائلة: فيه بعض الرجالة شكلهم مش أوي ولا متناسق وعمال يعلق ويتنمر على الستات لمجرد أنها ولدت أو بترضع أو بتاخد دواء بيقوا عاوزينها كاملة من كل شيء وهو مش بيبص في المراية