يسرا اللوزي: عرفت يوسف شاهين وأنا عندي 16 سنة ومش بحب الرترته

كشفت الفنانة يسرا اللوزي عن بدايتها الفنية وكواليس فيلمها مع يوسف شاهين، كما تحدثت عن علاقتها بوالدها، كما كشفت يسرا عن سبب غيابها عن افتتاح مهرجان القاهرة السينمائي.

تحيا مصر يرصد لكم تصريحات الفنانة يسرا اللوزي

وقالت يسرا خلال استضافتها في برنامج كلمة أخيرة التي تقدمه الإعلامية لميس الحديدي ويعرض عبر قناة أون تي في: بابا كان عنده قلق بشكل عام وكان بيخاف دايما من حاجات عادية وكان وانا عندي 25 سنة يقولي بصي يمين وشمال وانتي بتعدي الطريق وي حاجات تانية كان بيخليني اروح اجدد رخصة العربية واروح لصيانة العربية.

وأضافت:مامتي كمان قوية طلعتني قوية وهي بنت وحيدة ومامتها طلعتها قوية.

وعن دراستها قالت: خدت كورس واحد مع والدي في الجامعة ووالدي كان استاذي وكان شئ عادي بالنسبالي لأنه كان دايمًا بيديني محاضرا بس بشكل مسلي وكان بيعرف دايما يشد الواحد والطلبة كانوا بيسمعوه وهو مدرس طول الوقت .

واستكملت:كان شخص صارم جدا معايا ومش هقول مستقصدني  بس كان بيضغط عليا عشان ابين اني شاطرة  عشان لما اخد درجو كويسة يبقى عشان أنا شاطرة مش عشان أنا بنته، وهو بهدلني وضغط عليا جدًا.

يسرا اللوزي: اتعرفت على يوسف شاهين وأنا عندي 16 سنة

وعن فيلمها مع يوسف شاهين قالت:عرفت يوسف شاهين وانا عندي 16 سنة في 2002 وروحت المكتب وقعد يتكلم معايا بس وانا كنت بلعب دور استاذة يسرا وهي صغيرة وهو كان عايز بنت فيها اربع صفات وهما حد شبه يسرا وحد بيعرف يرقص وحد في سن 16 سنة وان اهلوا يبقوا ان البنت دي تسيب الدراسة وتضيع وقت في التصوير وملقاش الاربع صفات دول غير فيا أنا.
وتابعت: جالي انهيار عصبي في الفترة دي لأني  كنت لازم اروح المدرسة واخد دروس واركز في التمثيل وكنت في علمي رياضة وكانت سنة صعبة جدًا.

واستطرت: لما مثلت مع يوسف شاهين مكنتش متوقعة أن ده يبقى شغلي خلا بس أهلي كانوا شايفين أن هي فرصة كويسة جدًا إني أمثل مع يوسف شاهين بس لما دخلت الجامعة مكنتش متهيلة إني هبقى ممثلة وكنت بعمل مسرح وأفلام قصيرة بس ليا أنا مش عشان أن شغلي هيبقى التمثيل وفي أربع سنين كان بيتعرض عليا حاجات كنت برفض لأن مكنش ينفع أغيب من الجامعة.

وكشفت: اللي رجعني تاني للتمثيل فيلم قصير لمشروع تخرج من معهد السينما ومن بعدها اكتشفت إني بحب التمثيل.

يسرا اللوزي: مش بحب الرترته وبحب اشتغل باعتدال

وتابعت: انا مش بحب الرترته ولما حد بيقولي اني مش بشتغل كتير بحس إني لا بشتغل كتير وأنا شايفة إني معتدلة وبعمل مسلسل او اتنين في السنة.

يسرا اللوزي تكشف سبب غيابها عن افتتاح مهرجان القاهرة السينمائي

وعن سبب غيابها عن افتتاح مهرجان القاهرة السينمائي لهذا العام قالت يسرا: انا جالي برد وكانت ليلة سنوية والدي محبتش اسيب ماما لوحدها.