كمال أبو رية: مسار الفن تحول في الفترة الأخيرة وقعدوا مؤلفين كتير في البيت

كشف الفنان كمال أبو رية عن سبب عدم قيامه بدور بطولة في الفترة الأخيرة الماضية، رغم أنه كان معتاد على تقديمها في بدايته الفنية، مشيرا إلى ان مسار الدراما انقلب رأسا على عقب بعد ثورة 25 يناير.

تحيا مصر يرصد في ذلك التقرير تصريحات كمال أبو رية عن الفن خلال كلام الناس

كمال أبو رية: الفن بقى يوصل ان الفوضى شيء عادي وقعدوا مؤلفين كتير في البيت

وقال كمال أبو رية خلال حلوله ضيف على برنامج “كلام الناس”، المذاع على قناة mbc مصر، وتقدمه الإعلامية ياسمين عز: الـ 10 سنين اللي فاتوا حصل فيهم تحول في مسار الدراما في مصر، قبل كدة كان عندنا الوعي الكافي انه يكون في استقرار لمجتمعنا، قبل 25 يناير كان فيه ارهاصات انه فيه فوضى، فظهرت أعمال درامية بتعود الناس والشارع المصري على انه لو حصل فوضى ده شيء عادي رغم ان وظيفة الفن بيساهم في استقرار المجتمع، وإحنا مش بنشتغل في الحاجات دي، وهمشوا مؤلفين كتير وقعدوهم في البيت وبقى فيه شباب جدد وهما عايزين يشتغلوا فبيكتبوا اللي هما عايزينه، وبدأت أدورنا تتنقل لـ مرحلة تانية فمبقتش بطولة.

كمال أبو رية يكشف حقيقة غيرة أحمد عبد العزيز منه

وعن غيرة أحمد عبد العزيز من، قال كمال أبو رية: عمر ما أحمد عبد العزيز ما كان عايز يعلي عليا، وأنا بيني وبين أحمد عبد العزيز احترام متبادل بدرجة عالية، أنا بحترم موهبته وهو كذلك وأنا وهو مدرستين مختلفتين في الأداء، وهو عمره ما عاد مشهد عشان يقللني ويبقى أحسن، وهو راجل أكاديمي عايز يكون كويس وخلاص مش أحسن من حد، والتنافس بينا كان شريف وكنا مع بعض في المداح.

كمال أبو رية: الفن مفهوش واسطة ومفيش حاجة اسمها تقمص

وتابع كمال أبو رية حديثه، كاشفا عن رأيه في دخول نجله مجال التمثيل، فقال: “قولتله متشتغلش المهن دي عشان متهنش نفسك، وهو ادائه حلو وطلع حاجة لطيفة وان شاءالله ربنا يكرمه، الفن مفهوش واسطة وابني هيكون شبهي في الأداء ووالدته ممثلة شاطرة جدا ، وهو بيفكر بطريقتي وهيمثل بالطريقة دي وواعي لهو هيعمل اي، مفيش حاجة اسمها تقمص في الشخصية، لكن فيه حاجة اسمها تعايش لدرجة الست”.