ياسمين عز للسيدات قبل مباريات كأس العالم: متنكديش على جوزك وعيشيه الحالة

وجهت الإعلامية ياسمين عز مجموعة نصائح لـ السيدات قبل انطلاق مبارايات كأس العالم لكرة القدم 2022، وذلك لتجنب خلافها مع زوجها أثناء مشادتها للمبارايات.

تحيا مصر يرصد في ذلك التقرير نصائح ياسمين عز للسيدات

ياسمين عز: الست الناصحة والواعية هي اللي تعرف تتعامل مع ضرتها كويس

قالت ياسمين عز خلال برنامج كلام الناس، المذاع على قناة mbc مصر: الست الناصحة والواعية هي اللي تعرف تتعامل مع ضرتها بشكل كويس وتخرج من الفترة دي بأقل الخسائر الممكنة، اللهفة بتاعتك وانتي بتشوفي، متحاوليش تقللي من شغفه ده كل شوية وتسأليه هو مركز مع الماتشات ليه".

ياسمين عز للسيدات: اعملي لجوزك فشار وحاجة ساقعة ونوعي في الأكل عشان ميزهقش

وتابعت: وحالة التنضيف اللي بتجيلك ملهاش لازمة خالص وقت الماتشات، ومع بداية الماتشات لازم جوزك يلاقي الفشار والحاجة الساقعة وكل حاجة متظبطة، الحاجات دي هتنعكس عليكي، هيخليكي تدركي أهمية جوزك وهو شايل عنك قد ايه، هو عمره ما اشتكى منك ومن طلباتك، سيبك منه الشهر ده وبلاش تسأليه أعملك اي على الغداء النهاردة، أرجوكي سيبيه مركز في اللي هو مركز فيه وبلاش تخرجيه من المود، ونوعي في الأكل عشان ميزهقش بردو عشان ميروحش يتفرج على الماتش برة حتى لو ملكيش في الكرة شاركيه اهتماماته شوفي هو بيعمل اي واعملي زيه متقعديش تسألي".

ياسمين عز: الراجل بيستم اما يشوف البارزيلية في المدرجات مش عشان خاين

وأضافت: المخرجين في كأس العالم بيركزوا على المدرجات فهتلاقي كاميرا مركزة مع ستات فلما تلاقيه مبتسم مش بيكون عشان الست اللي قاعدة في المدرج ده بيكون مبسوط باهتمام العالم بالكورة، بلاش تسأليه بتضحك ولا مبسوطة ليه متبقيش انتي والزمن ومنتخب السنغال عليه لازم تعيشيه المود 

ياسمين عز للنساء: اطلبي من جوزك اللي انتي عايزاه في أخر 5 دقايق من المباراة هتلاقيه بيوافق عليه

ووجهت أخر نصائحها، قائلة: الـ 5 دقائق الأخيرة من كل مباراة في كأس العالم اطلبي من جوزك اللي انتي عايزاه عشان هيكون مش مركز معاكي  فاطلبي واتمني واحلمي هيقول ماشي وحاضر من غير ما يعرف هو قالها على اي