عايز يبوظ المهرجان.. هجوم أيمن بهجت قمر على أمير رمسيس بعد تعليقه على صلاة الريد كاربت

هاجم  الشاعر أيمن بهجت قمر، المخرج أمير رمسيسمدير مهرجان القاهرة السينمائي بعد تعليقه على تأدية العاملين صلاة الجمعة على الريد كاربت.

تحيا مصر يرصد هجوم أيمن بهجت قمر على أمير رمسيس. 

رد أيمن بهجت قمر على تعليق أمير رمسيس

وكتب أيمن بهجت قمر: ده مش سوء نيه دي عادة وأنت مش هتعرف قلوب الناس فيها ايه وكان ممكن تنتقد بدون سخريه ولما تتراجع بلاش كبر، أنا لما لاعب مسيحي بيعمل علامة الصليب بنظر له بنظرة كلها احترام لإنه بيشكر ربه بطريقته.

وأضاف: وغير مسموح بالمرة إني أكتب بوست سخرية عنه أو عن عادة لها علاقة بصلاة غير المسلمين أو المسلمين.. هو أمير رمسيس عايز يبوظ المهرجان!

وجه الشاعر أيمن بهجت قمر رسالة إلى المنتج نصر محروس، معبرًا له عن حبه الشديد له هو وعائلته.

وكتب أيمن بهجت قمر عبر حسابه بموقع التواصل الاجتماعي فيسبوك: نصر محروس أخويا الكبير وصانع النجاح هو وعيلة محروس اخواتي طول عمرك محترم.

وأضاف:علاقتنا اكبر بكتير من ان اي بساريا صغيره تعكرها  وطول عمرك محترم يا نصر وكبير وبتحب الخير لزمايلك وانت دايما سباق بالواجب والذوق انت وأمير وأميره وهاني.

وتابع: والله يا جماعه الكبار كبار بأفعالهم وقليلي الحيله والصغيرين صغيرين بأفعالهم برضه.

أيمن بهجت قمر يهاجم أحد الأشخاص بسبب أغنية قلب أسود

وكان أيمن بهجت قمر وجه هجومًا شديدًا لأحد الأشخاص الذي قام بانتقاد أغنية قلب أسود وكتب أيمن عبر حسابه بموقع التواصل الاجتماعي فيسبوك: في بعض الصغيرين في الحقل الموسيقي ما اتعلموش يعني إيه زمالة ما اتعلموش يعني إيه احترام والمفاجأة إنهم أقزام في المهنة، حقيقي بشفق عليهم من الغيرة لأنهم فعلا تحت وتحت أوي والناجح الشاطرهو اللي بيفضل باصص عليهم من فوق ربنا يهديهم.

واستكمل: بص يا حبيبي حضرتك لما شغل زمايلك ينزل من الأدب إن لو فيه حاجة ماعجبتكش تسكت لإنك هارينا أعمال رخيصة وساكتين، أنت تنصح نفسك تنفع نفسك تخليك في نفسك، يعني أنت بتنصحنا عشان نبقى في مكانتك مثلا أنت بعيد أوي وبعيد عشان باصص على غيرك وبتلهث وراه عشان كده أنت ضئيل، ربنا يعينكم على نفسيتكم أنا سعيد لإني مش زيكم وعمري ما كنت زيكم.