فرحة داخل محكمة الاسرة : جوزي باع بنتي للرجالة عشان خاطر الفلوس

" بيقعد في البيت يشرب سجاير ويبعت بنته تجيبله الفلوس " بتلك الكلمات روت فرحة لتحيا مصر داخل محكمة الأسرة عن زوجها الذي يجبر أبنته التي لم تتخطي سن المراهقة علي التشرد وطلب المساعدات من الناس في الشوارع لتتعرض لمضايقات وتكون مطمع للرجال وهو يجلس في منزله يتعاطي المواد المخدرة.

تحيا مصر

جوزي ساب الشغل عشان فلوسه قليلة ومعجبهوش الوضع 

بدأت فرحة حديثها لتحيا مصر :" أنا وجوزي متجوزين من 16 سنة وطول السنين دي شوفت فيها اللي مفيش ست شافته مع جوزها ضرب وأهانة وبخل وخيانة وكل ده بسبب الحشيش اللي بيشربه عندي منه بنت وعمريها دلوقتي 15 سنة وبسبب اللي بتشوفه من أبوها عقلها بقي سابق سنها وجسمها كمان من ساعة ما دخلت سن المراهقة وهو بقي ملفت جدا جوزي كان شغال بيومية في مطعم والظروف معانا مكنتش أحسن حاجة بس كانت ماشية  لحد ما جه في أخر فترة وبدأ يتبطر علي الشغلانة ويقولي " أنا بشقي فيها ومش جايبة همها " وسابها وقعدلنا في البيت ياكل ويشرب حشيش وينام ".

أجبر بنتي تنزل تشحت ومترجعش بأقل من 200 جنية

وتابعت :" جوزي لما قعد في البيت من غير لا شغلة ولا مشغلة فكر في فكرة تجيبله فلوس وهو قاعد في بيته وهو أنه ينزل بنته تجيبله هي الفلوس بنتي رفضت وأنا هددته أني هسيبله البيت وأمشي لو عمل كدة راح ضربني وبهدلني عشان أوافق وأسكت وبنتي طبعا لما شافت كدة خافت ووافقت من غير ما تنطق ولا كلمة جابلها شوية مناديل وسبح وقالها " سيبك بقي من المدرسة وخليكي في اللي هقولك عليه ولو سمعتي كلامي هنعيش معيشة الملوك تنزل من الصبح بدري تضحكي لده شوية وتعيطي لده شوية ومترجعليش في أخر اليوم بأقل من 200 جنية " وبنتي فعلا وافقت وسمعت كلامه وهي مكسورة ".

بنتي رجعت البيت بتبكي ومكسورة عشان واحد حاول يعمل معاها الحرام في الشارع 

وأستكملت :" بنتي لما كانت تنزل وترجع لأبوها بفلوس أقل من اللي هو طلبها كان يمسكها يضربها وينيمها من غير أكل وشرب لحد ما جت في يوم معيطة ومتبهدلة ولما سألناها مالك حكيتلنا أن في واحد كان راكب عربيته وقالها "أركبي وتعالي معايا البيت هغديكي وأديكي الفلوس اللي أنتي عايزاها وبعدين أرجعك مطرح ما خدتك تاني " وبنتي من خوفها من أبوها راحت معاه وهناك قلعها هدومها وأعتدي عليها وبعدين رماها من غير ولا جنية أبوها لما عرف الكلام ده مهمهوش أي حاجة غير أن الراجل ده سابها من غير ما يديها الفلوس وقالها " بعد كدة قبل ما تعملي حاجة مع حد تاخدي فلوسك الأول وهقعدك مع أمك شوية وهي تعلمك أزاي تبسطي الرجالة ويدوكي فلوس أكتر " من هنا اتأكدت أن اللي أنا عايشة معاه ده مش راجل وأنه مش بس خسر بنتي تعليمها ومستقبلها ده كمان خسرها شرفها وبراءتها لما طلب منها تتشرد في الشوارع و تسلم نفسها للي يسوي واللي ميسواش جيت المحكمة أنهاردة عشان أرفع عليه دعوي خلع وبأي طريقة هاخد بنتي تعيش معايا عشان نبعد عنه ونترحم من شره ".