شام الذهبي ابنة أصالة: ماما بقت أصغر مني وكنا بنجهز لعملية التجميل من سنتين

كشفت شام الذهبي ابنة الفنانة أصالة، كواليس إجراء والدتها عملية التجميل، وتجهيزها لعملية التجميل من قبل سنتين.

تحيا مصر يرصد لكم كواليس عملية تجميل أصالة

وقالت شام الذهبي، خلال لقائها في برنامج هي وبس التي تقدمه الإعلامية رضوى الشربيني عبر قناة cbc سفرة: أصالة بقى شكلها أصغر مني لأني فتحت عيادتي عشان مامتي، وقبل العيادة كنت شغالة في مصنع تجميل وبعلمها الكريمات.

وتابعت: طول عمري مهتمة بجمال مامتي، وهي من لما كانت في العشرينات بتستخدم كريمات العناية بالبشرة، ومش بتنام بالميكب وبتدي طاقة حب واهتمام بنفسها.

وكشفت شام: كنت بحضر فيها وبديها فيتامينات قبل ما تعمل عملية التجميل بسنتين، وشيلت الفيلر من وشها واديتها فيتامينات في الوريد، وكنت بعمل لها الحاجات العلاجية، والحاجات اللي بتجدد الخلايا مش الفيلر، لأن الخلايا بتعجز من سن عشرين وآثار التجاعيد بتظهر فخليت بشرتها سميكة عشان تتقبل أي عملية تجميل.
واستكملت: عملت لها عناية بالبشرة واديتها فيتامينات وحاجات بترجع الخلايا وتنشطها، خاصة أن الجمال من الداخل في الأكل الصحي وشرب المياه والنوم الجيد.

تغير ملامح أصالة

وكانت الفنانة أصالة ظهرت خلال الفترة الماضية ملامح مختلفة تمامًا، مما أثارت الجدل عبر مواقع التواصل الاجتماعي، وبدء يتسأل الجمهور عن السر وراء تغير ملامها للأصغر.
الجدي بالذكر ان اغنية شايفة فيك للفنانة أصالة حققت نجاحًا كبيرًا لعد طرحها عبر قناتها بموقع الفيديوهات الشهير يوتيوب وهي من كلمات نادر عبد الله، وألحان رامي صبري.

كلمات أغنية شايفة فيك

شايفة فيك
كُل حاجة حلوة أنا إتحرمت منها
كُل ضحكة شفايقي كانُوا مستنيينها
كُل إحسَاس بالأمان كان نِفسي أعيشُه
وسط دنيا غريبة وما حدش ضامنها
شايفة فيك
بيت وأهل وصُحبَة جَنبي مونسيني
لمة العيلة اللِي بتطمني إني
لما أغيب أنا بلقى ناس تقلق عليا
وأما برجع بلقى ناس مستنييني
للنهاية
هتلاقيني ماسكة قي إيديك للنهاية
أصلي من قبلك أنا مجرد حكاية
فيها خُوف وتعب وفيها جرَاح كتيرة
بس بقى مِسك الختام إنك معايا
ناسية بيك
ذكريات مش حلوة كانت بتهاجمني
دُنيَا على أحلامي كانت بتساومني
طُول مَا أنا مسنودة علىَ كتفك حَبِيبي
واقفة أنا في وش الحَياة دِي ومُش هاممني
ناسية بيك
ذكريات مش حلوة كانت بتهاجمني
دُنيَا على أحلامي كانت بتساومني (بتساومني)
طُول مَا أنا مسنودة علىَ كتفك حَبِيبي
واقفة أنا في وش الحَياة دِي ومُش هاممني
للنهاية
هتلاقيني ماسكة قي إيديك للنهاية
أصلي من قبلك أنا مجرد حكاية
فيها خُوف وتعب وفيها جرَاح كتيرة
بس بقى مِسك الختام إنك معايا