دي فضيحة وأنا عايز حقي.. صادق عادل يتهم ملحن أغنية لو ناسين افكركوا لمحمد رمضان بالسرقة والنصب

اتهم الملحن صادق عادل سرقة لحن أغنيه لو ناسيين أفكركوا والتي طرحها محمد رمضان أمس عبر قناته بموقع الفيديوهات الشهير يوتيوب.

تحيا مصر يرصد لكم اتهام ملحن أغنية لو ناسين افكركوا بالسرقة والنصب
وقال صادق أنه قام بطرح الأغنية بعنوان سالكين بنفس الكلمات والألحان مُنذ 4 أشهر، وكتب صادق عبر حسابه بموقع التواصل الاجتماعي فيسبوك: أغنيه النجم محمد رمضان الجديدة لو ناسيين أفكركوا من ألحانى و نازله بصوتى من يوم 7/11 اللى فات يعنى من ٤ شهور، والكل يقدر يسمعها قبل ما يقفلوها عشان وصلى معلومات أنهم بيحاولوا يقفلوها دلوقتي.

وتابع: المهم إنى اتفاجأت أن مكتوب فى التتر أن الأغنية من ألحان الأخ شريف عباده، ودى فضيحة وسرقة علنى، مش لأنه مش ملحن الأغنية، لأنه مش ملحن أصلا، وأنا بتحداه يغنى اللحن بصوته أصلا.

وأضاف: أنا عايز حقى وبطلبه بكل أدب واحترام، ياريت كل الناس تساعدني أوصل صوتى وأجيب حقى من النصاب شريف عباده، لأن أعتقد أن النجم محمد رمضان وشركه روتانا تعرضوا للنصب، مستحيل يكونوا على علم بالسرقة العلنية دى والله اعلم.

أغنية لو ناسين افكركوا

وكان محمد مضان طرح أمس أغنية لو ناسين افكركوا بالتعاون مع شاهيناز، وذلك عبر قناته بموقع الفيديوهات السهير يوتيوب.

كلمات أغنية لو ناسين افكركوا

ماليش جناح عشان تقصوه
ولا عيني ازاز عشان تكسروه
مفيش تيكتات شبعنا من دول
بس دماغنا اعلى من السوق
حوالينا فيه كلاب كتيره بتحوم
عالمصلحة في ثانية بتقوم
عالجدعنة زميلي بتدوب
الله الغالب كله مغلوب

لو ناسيين أفكركوا
لو سالكين أقدركوا
كل اللي في ايدي انا قدمته
قولي اعملكوا ايه

انا ضهري ده سندي دراعي صاحبي
مين فيكم في الشدة وقف جنبي
طول عمري ساندكم مين سَندني
لو طالوا يكلوني ينهشوا لحمي

انا كنت اوفى صاحب فيهم
كل اللي في جيبي ده كان ليهم
انا عمري ما فكرت اذيهم
دبحوني وما صعبت عليهم

لو ناسيين أفكركوا
لو سالكين أقدركوا
كل اللي في ايدي انا قدمته
قولي اعملكوا ايه

العين بالعين والبادي أظلم
قابلوا اللي جاي انا مش هرحم
ياللي انت جاي عمال تمرهم
كل اللي جاي على حقي يندم

بعمل خير بلاقي شر
نازلين عليا نم قر
نفسي فمرة ترسو على بر
ده وقت حسابكم ما فيش مفر

لو ناسيين أفكركوا
لو سالكين أقدركوا
كل اللي في ايدي انا قدمته
قولي اعملكوا ايه