هيثم شاكر: بعرف ألحن بس بتكسف أكلم حد وأقوله أسمع لحني

تحدث الفنان هيثم شاكر عن سبب رفضه تلحين الأغاني، وذلك خلال استضافته في برنامج أنغام الذي تُقدمه أنغام والذي يُعرض عبر قناة دي أم سي.

تحيا مصر يرصد لكم تصريحات الفنان هيثم شاكر

وقال هيثم شاكر أنه حاول تعلم ودراسة الموسيقى ولكنه فشل في ذلك لأنه لا يمتلك الوقت الكافي لتعلم المزيكا.

وتابع: أنا عندي خبرة من الشغل والاحتكاك بس اني اعزف على الألة بشكل احترافي معرفش وبخبط شوية على الجيتار ومينفعش يطلع للنور.

هيثم شاكر: بلحن لنفسي بس معنديش الجرأة اسمع حد ألحاني

وعن تلحين الأغاني قال: لحنت كتير لنفسي لكن معندياش الجرأة أسمع الألحان دي لحد او اغنيها.
وكشف: مرة عملت لحن لتامرحسني وهي أغنية اعتذري ونزلت وفي البوم بعيش وكانت الأغنية من كلامه وألحاني.

وتابع: كنت قاعد مع تامر حسني وكان بياخد رايي في كلام الأغنية وسمعهالي، وهو بيسمعهالي لحنتها عجبه جدًا وقالي هي دي الأغنية وهتنزل كده وفعلًا نزلت.

وأضاف: أنا بتكسف أكلم حد وأقوله أسمع لحني، لترد عليه أنغام قائلة: متتكسفش وكلمني أنا وسمعني ألحانك.

ليرد هيثم قائلًا: في 20 جيجا عندي من الحاني بس استحملي الدوشة بقا.

وكانت أغنية أعدائك كترت للفنان هيثم شاكر حققت نجاحًا كبيرًا بعد طرحها بموقع الفيديوهات الشهير يوتيوب.

كلمات أغنية أعدائك كترت

أعدائك كترت يا سبب في إن الناس سهرت
يتكلموا عنك أيوة إكمنك حلو تالت ومتلت
قاعدين بيتابعوا، واحد ما يجوش ولا ربعه
بيدورا ع إللي مخليني ماسك فيك
أوي كدة ومتبت
أعدائك كترت يا سبب في إن الناس سهرت
يتكلموا عنك أيوة إكمنك حلو تالت ومتلت
آه قاعدين بيتابعوا، واحد ما يجوش ولا ربعه
بيدورا ع إللي مخليني ماسك فيك
أوي كدة ومتبت
فيك شي كده ملفت، بتخلي الناس بقى تسكت
واما تغيب يحكوا عن التفاصيل
بالملي كمان حافظينها
أصل إنت سابقهم، وجمالك زاد وضايقهم
والعين مبتكرهش غير إللي يكون عالي
أو أحسن منها
أعدائك كترت يا سبب في إن الناس سهرت
يتكلموا عنك أيوة إكمنك حلو تالت ومتلت
آه قاعدين بيتابعوا، واحد ما يجوش ولا ربعه
بيدورا ع إللي مخليني ماسك فيك
أوي كدة ومتبت
سهمك في الطالع، من غير ماحسد وأقاطع
وبدون ما نحيز حدي مميز
بقى ليك بصمة وطالبعة
سبحان من رسمك، بس القمر إللي قاسمك
وجميل في عينيا أنا كل شويه
بتوه لما بقول إسمك
فيك شي كده ملفت، بتخلي الناس بقى تسكت
واما تغيب يحكوا عن التفاصيل
بالملي كمان حافظينها
أصل إنت سابقهم وجمالك زاد وضايقهم
والعين مبتكرهش غير إللي يكون عالي
أو أحسن منها
أعدائك كترت يا سبب في إن الناس سهرت
يتكلموا عنك أيوة إكمنك حلو تالت ومتلت
قاعدين بيتابعوا، واحد ما يجوش ولا ربعه
بيدورا ع إللي مخليني ماسك فيك
أوي كدة ومتبت