هيثم شاكر: محمد فوزي كان عبقري وسابق عصره

تحدث الفنان هيثم شاكر عن حبه الشديد لفنان محمد فوزي، وحبه لإلحانه وأغانيه من الصغر، وذلك خلال  استضافته في برنامج أنغام الذي تقدمه الفنانة أنغام عبر قناة دي أم سي.

تحيا مصر يرصد لكم تصريحات هيثم شاكر

هيثم شاكر: محمد فوزي عبقري 

وقال هيثم شاكر: محمد فوزي العشق وحبيب قلبي وعبقري وكان سابق عصره في كل حاجة ، وهو أول واحد عمل كل حاجه هو أول حد غنى لرمضان والام وهو حالة وفنان متكامل، وكمان هو أول شخص كسر الجمود عن أن المطرب اللي بيغني رومانسي بيبقى واقف وثابت هو اول حد عمل استعراض وكان بيتحرك وكان صوته في بهجة.

وأضاف: أكتر الأغاني اللي بحبها لمحمد فوزي هي أغنية أغنية ليا عشم ،ومعظم ألحان محمد فوزي هتلاقي فيها تفاصيل كتير هو بيحب يعمل شرقي وعربي هو كان سابق عصره بكتير ودايمًا في تفاصيل مختلفة وكان فنان شامل وسابق عصره واوانه.

آخر اعمال هيثم شاكر

الجدير بالذكر أن آخر أعمال الفنان هيثم شاكر هي أغنية أتعدى حدودي وهي من كلمات نادر عبدالله وألحان محمد يحيي وتوزيع أحمد إبراهيم.

كلمات أغنية اتعدى حدودك

آه، يا قلبي ع اللي لما عدى
جنبي روحت فيها في المعاد ده
عقلي جاب وودى توهت وأنا وياه
ألف ضمة فوقها ألف شدة
نفسي أضمهاله مرة واحدة
حالة مستجدة كان سببها لقاه
أتعدى حدودي ولا أستهدى، لا أنا حمل مقاوحة ولا مناهدة
ولا في إتفاقية ولا معاهدة ولا وعد معاه
أتعدى حدودي ولا اتأنى ولا أعقل وأتقل وأستنى
ولو الصنارة غمزت سنة مش هستنى
رمشه زي طعم روحت بالعه
جابني بيه يوميها ويا دلعه
شوق ولهفة ولعوا فيا وأعمل إيه؟
بصة منه لما وراهالي
هز فيا زي فولت عالي
إيه هيجرى ليا لو لمست إيديه؟
أتعدى حدودي ولا أستهدى، لا أنا حمل مقاوحة ولا مناهدة
ولا في إتفاقية ولا معاهدة ولا وعد معاه
أتعدى حدودي ولا اتأنى ولا أعقل وأتقل وأستنى
ولو الصنارة غمزت سنة مش هستنى
أتعدى حدودي ولا أستهدى، لا أنا حمل مقاوحة ولا مناهدة
ولا في إتفاقية ولا معاهدة ولا وعد معاه
أتعدى حدودي ولا اتأنى ولا أعقل وأتقل وأستنى
ولو الصنارة غمزت سنة مش هستنى