أحنا فيها.. تامر حسني يوجه رسالة دعم إلى جمهوره

 وجه الفنان تامر حسني رسالة دعم وتشجيع إلى جمهوره، والتي جاءت تحت عنوان أحنا فيها، كما سرد قصة نجاح صاحب سلسلة مطاعم كنتاكي.

تحيا مصر يرصد تشجيع تامر حسني لجمهوره

وكتب تامر عبر حسابه بموقع التواصل الاجتماعي فيسبوك: أحنا فيها  حبايب قلبي  جمله سمعتها النهارده و المفروض بنسمعها في حياتنا اليوميه كتير بس اول مره اركز فيها بالشكل دا.

وتابع: جملة (ما إحنا فيها )  جمله خطيره جداً جميله جداً فيها امل رهيب معناها ان الوقت ما فاتش و احنا لسه في الدنيا مادام انت لسه فيها يبقى الوقت ما فاتش ولا حاجه و عمر النجاح مكان بالسن  ياما ناس عباقره نجحت متأخر و بقوا من اشهر و اغنى الناس في العالم.

 واستكمل: ارجوكوا ركزوا في القصه الحقيقيه دي .. كان في طفل عنده ٥ سنوات و من الفقر و بعد وفاة والده اضطرت امه الفقيره تنزل تشتغل في اي شغل يقابلها عشانه و عشان ولادها الاصغر و لما كبر الطفل دا شويه من سن ٧ سنين بدأ يهتم بإخواته الصغيرين و يعملهم الاكل عشان امه في الشغل.

وأضاف: طبعاً طفل بيطبخ دي حاجه غريبه و لها مشاقه و حرمان من الطفوله و تحمل مسؤليه بدري اوي و اكبر من عمره لإنه بقى يقوم بدور الام و الاب في منزل به اطفال اصغر منه يرعاهم هو بمفرده.

واستطرد: تخيلوا الطفل ده فضل يطبخ و يشتغل شغلانات بسيطه جنب امه لحد ما بقى عنده ٦٢ سنه و محققش اي شيء بس عمل بتحويشة عمره بنزينه صغيره و فيها جزء صغير زي عربية اكل و من كتر اعجاب الناس بالاكل اللي بيقدمه.

واختتم: و طبعاً عشان هو اللي بيطبخه بخبرته الرهيبه نجح نجاح اسطوري و تحولت البنزينه و عربية الاكل إلى اكبر سلسله مطاعم في الكره الارضيه (( كنتاكي )) و اسمه الكولونيل ساندرز.. قوم يلا قومي يلا.. إحنا فيها.

تامر حسني يتصدر تريندات مواقع التواصل الاجتماعي

وكان الفنان تامر حسني تصدر تريندات مواقع التواصل الاجتماعي خلال الفترة الحالية، وذلك بعد ظهوره في أحدى الإعلانات التجارية، وظهر وهو يُقلد 4 شخصيات مشهورة وهما بهاء سلطان، مروان موسى، مصطفى قمر، عبد الباسط حمودة.