خالد عليش عن إطلالته بمهرجان القاهرة السينمائي: بدلة من الشواربي وشعري عند نجمة الحلاق

كشف الفنان خالد عليش عن بداياته الفنية والصعوبات التي واجهته، حيث أنه شارك في مسابقة راديو ولكنه فشل.

تحيا مصر يرصد بداية خالد عليش الفنية. 

خالد عليش بمهرجان القاهرة السينمائي 

ونشر عليش صورة له من مهرجان القاهرة السينمائي لعام 2007 عبر حسابه الرسمي بموقع التواصل الاجتماعي فيسبوك وعلق عليها قائلًا: "تاني واحد من ناحية اليمين ده انا 😀 رابطة كرافتة عملتها في يوم كامل مكنتش عارف اربطها و لحد النهاردة مش بعرف".

وتابع: "بدلة جبتها من الشواربي ب ٢٧٥ جنيه وقتها الكرافتة نفسها جبتها من محل في التحرير لبني مضلعة مش عارف سمحت لنفسي البسها ازاي، فارد شعري عند نجمة الحلاق في الوراق.. شغال في راديو علي الانترنت بيسمعه وقتها صحابنا روحت انا ومجموعة من زمايلي في الراديو تغطية مهرجان القاهرة السينمائي في ٢٠٠٧ و كان عندي شغف شديد جدا وقتها".

وأضاف: عمري ما نسيت بدايتي 
اما كنت مش بروح الجامعة ايام عشان مش بعرف الحق الميكروباص من الوراق الصبح، اما جبت عربية ١٢٨ بيضا و تعطل مني دايما علي طلعة الكوبري.. 
امي و ابويا اللي تعبو معايا عشان يعلموني و يودوني جامعة و يشجعوني وقت ما دخلت مسابقة في الراديو عشان اكون مذيع و فشلت للأسف وقتها، مش بقول انها كانت بداية صعبة لكن بداية انا بتشرف بيها و بتشرف بكل خطوة صغيرة ساعدتني اكون افضل و اتعلم حاجات اكتر و اوصل لحتة اكبر عشان لسه ما عملتش حاجة".

وجه الفنان خالد عليش رسالة جديدة لـ ابنته ميما، التي تغيب عن أنظاره من أن انفصلت والدتها ميما الشامي عنه، وشهد خلافهم على رؤية ابنته جميع رواد السوشيال ميديا.

شارك خالد عليش صورة جديدة تجمعه بـ ابنته ميما في إحدى ملاهي الأطفال، وذلك عبر حسابه الرسمي بموقع تبادل الصور والفيديوهات انستجرام، وعلق عليها، قائلا: “لعلمك انا اب لذيذ جدا بس مش واخد فرصتي”.

وكان كشف الفنان خالد عليش حصوله على حكم قضائي في قضية ابنته من طليقته ميما الشامي وجاء ذلك بموقع التواصل الاجتماعي وكتب عبر صفحته بموقع التواصل الاجتماعي: “النهاردة أنا خدت حكم تاريخي يارب يتنفذ على خير”.

خالد عليش وابنته

كتب الفنان خالد عليش عبر صفحته الشخصية بموقع التواصل الاجتماعي “فيسبوك”: “تاريخي لأنه أحسن حكم ممكن آخده في ظل ظروف قانون الأسرة السيئ لحين تعديله، واللي طلع الحكم قاضي مش واحد صاحبنا.. ف ده معناه إن الراجل قرأ وفهم وبيدي لكل واحد حقه.. لكن جه الوقت اللي أقول فيه اللي جوايا .. حسبي الله ونعم الوكيل، أنا خصيم لكل واحد أو واحدة حتى يوم الحساب ساعدوا بشكل مباشر أو غير مباشر إني ما اشوفش بنتي بطريقة إنسانية”.