بعد تكريمها في مهرجان القاهرة.. الهام شاهين لكاملة ابو ذكرى: شرفتي اسم الفن المصري

حرصت الفنانة إلهام شاهين على تهنئة المخرجة كاملة أبو ذكرى بحصولها على جائزة فاتن حمامة بمهرجان القاهرة السينمائي الدولي، وذلك خلال حفل افتتاح الدورة 44.

تحيا مصر يرصد في ذلك التقرير رسالة الهام شاهين للمخرجة كاملة أبو ذكرى

شاركت الهام شاهين صورتها مع المخرجة كاملة أبو ذكري على حسابها الرسمي بموقع التواصل الاجتماعي فيسبوك ، وعلقت عليها موجهة رسالة للمخرجة المتألقة: حبيبتى كامله .. مبروك عليكى التكريم من مهرجان القاهره السينمائي الدولي   .. مخرجة جبارة و مبدعة.. و تتفانى فى عملك .. و لذلك تحصلين على الجوائز فى كل المهرجانات  .. و آخرهم حصول مسلسل بطلوع الروح على الجائزه الذهبيه كأحسن مسلسل فى الوطن العربى لعام 2022 .. برافو .. شرفتي إسم الفن المصري".

الهام شاهين في مهرجان القاهرة السينمائي الدولي

هذ وتألقت الهام شاهين في مهرجان القاهرة السينمائي الدولي في دورته الرابعة والأربعين إذ ارتدت جيبة بالذهبي اللامع وفوقها جاكت مشجر ليتماشى مع الدريس كود الذي وضعه الفنان حسين فهمي كشرط لدخول المهرجان.

وقالت الهام شاهين خلال حوارها مع قناة dmc: الدريس كود  فيه شياكة واحترام وطبيعي إحنا كمان في الشتاء مش لازم نلبس مفتوح، وطبيعي بيفرق لما بيبقى مهرجان جوا القاهرة أو في بلد ساحلية على البحر، مثلًا مهرجان الجونة، إحنا حتى بيبقى عندنا شنطة سفر بنقول دي للبحر، ولبس معين مبنقدرش نلبسه جوا القاهرة، ونفس الشيء اللي كنا بنقدر نلبسه في مهرجان الجونة لأنه بلد بحر وصيف ولبسنا أقرب لـ لبس البحر.

الهام شاهين وسمير صبري

وتطرق الهام شاهين بالحديث عن الفنان الراحل سمير صبري، الذي رحل عن عالمنا بعد صراع طويل مع المرض، فقالت: الله يرحمه سمير صبري، كان فنان كبير ونجح في كل المجالات اللي اشتغل فيها، وهو موسوعة من المعلومات، وسمير من الشخصيات المهمة أوي في حياتي وصديق غالي وأخ عزيز علينا كلنا ومجاملاته كانت للجميع، وأنا سعيدة بتكريم اسمه النهاردة لما قدمه من أعمال فنية وأعمال إنسانية.

الهام شاهين تعتذر عن رمضان 2023

واعلنت الهام شاهين في المهرجان اعتذارها عن المشاركة في الماراثون الرمضاني المقبل، معللة: أنا مش هكون موجودة في رمضان اللي جاي، لأني جبانة شوية وبحب يكون معايا كل حلقات المسلسل، مبعرفش أدخل أصور وأنا معايا 8 أو حتى 10 حلقات من 30 حلقة، بحب أفرغ دوري وأبقى فاهمة أنا حجمي إيه في العمل من كل اللي حواليا، وأدرس العمل، وأنا متعبة شوية في شغلي وده بيتعب المنتجين مني مش قادرة أجاري السوق، ولكني كنت أتمنى أبقى موجودة.

وتابعت: أنا فلوسي ضاعت في الإنتاج لأن أنا مبعرش أسوق وراحت فلوسي ومرجعليش حاجة من الإنتاج، ولكن ممكن أخوض التجربة تاني لأني عنيدة وهي عاملة زي لعبة القمار، يعني ممكن بعد الخسارة أقول هعمل فيلم تاني علشان أعوض الخسارة.