عزت زين: المسرح كان عالمي السحري مُنذ الصغر ومشهد ضربي لأكرم حسني كان ذروة الدور

تحدث الفنان عزت زين عن دخوله للمجال الفني، وعن أهمية أدوراه في مسلسلات رمضان الموسم الماضي.

تحيا مصر يرصد لكم تصريحات الفنان عزت زين

وقال عزت زين خلال استضافته ببرنامج صاحبة السعادة التي تُقدمه الفنانة إسعاد يونس عبر قناة دي أم سي: أنا مسرحي ومخرج مسرح في الثقافة الجماهيرية وليا رحلة طويلة في مجال المسرح.
وتابع: السنة اللي فاتت جالي فرص عمل في أعمال متميزة ورمضان اللي قبله شاركت في مسلسل الاختيار 2 ولعبة نيوتن.

وأضاف: مشاركتي في دراما رمضان السنة اللي فاتت عرفت الجمهور عليا أكتر وكان ليا فرص أكبر.

واستكمل: بعد مسلسلاتي في رمضان حصلتلي نقلة فنية ووصلت للناس وأثرت فيهم،  والناس في الشارع اتعرفت عليا اكتر وبيتصورا معايا بس ده بيخلق طمع أكتر.
وكشف عزت زين أن والده كان مؤلف ومخرج مسرحي واكسب الفن وحبه للإخراج من والده وقال: كان والدي بيمثل مرة في الفيوم وروحت مع والدتي و اخواتي المسرح وشوفت حد بيضربه بالنار على المسرح وانا اتخضيت واضطر يخرج يطمني.

عزت زين: المسرح كان عالمي السحري

وأضاف:  المسرح كان العالم السحري بالنسبالي وطول مراحل عمري كنت مرتبط بالمسرح إلى أن تم اعتمدي مخرج في مسرح الثقافة الجماهيرية.
وكشف:  ألتحقت بـ ورش في المسرح القومي ووبقيت أنقل مناهج التمثيل وده عشان أقوم بالاخراج كان لازم افتح نافذه على عالم التمثيل، كان احيانا مخرج يعمل تجربة فكان بيختارني أمثل بس ده على فترات كبيرة.

وعن أدواره في رمضان 2022 قال: كان عندي قدر من الحظ أن جالي ادوار مختلفه في رمضان وده احتاج مني تركيز عشان مفيش شخصية تقترن بالتانية.

عزت زين: مشهد ضربي لأكرم حسني كان ذروة الدور

في مكتوب عليا الناس بيسالوني في الشارع لغية دلوقتي على مشهدي لما قومت من على الكرسي المتحرك وضربت أكرم حسني والناس بتقولي انت فشيت غلينا منه والمشهد ده كان ذروة الدور.

وكشف عزت أنه يرى أن خطو التمثيل جاءت في ميعادها وعلى الرغم من تأخرها ولكنه لم يكن لديه الأستعد الكافي للمثيل وتابع:كل شئ بيجي في وقته.