بعد تصريحاتها عن ميوله.. إيناس الدغيدي عن تامر حبيب: أنا ضريته من غير ما أقصد وتم فبركة كلامي

كشفت المخرجة إيناس الدغيدي أن تصريحاتها عن تامر حبيب  بشأن ميوله تم فبركتها من قبل بعض الناس، وطالبت بحساب هولاء الأشخاص.

تحيا مصر يرصد لكم تصريحات المخرجة إيناس الدغيدي

وقالت إيناس خلال مداخلة هاتفية أجرتها في برنامج حديث القاهرة الذي يُعرض عبر قناة القاهرة والناس: أنا صاحبة فكر أكتر من إني أكون تقليدية وأنا بتكلم في أفكار عامة لكن عمري ما أتكلمت في أفكار خاصة  لشخص ولما بتكلم عن أفكار عاملة لشخص ممكن تتاخد بشكل تاني.

وتابعت: وأحنا المفروض  بنتقبل الشخص كما هو ونتقبل جميع الجهات والاساليب وممكن منفذهاش وانا مش بعيب على حد ولا بتكلم على زميل من زمايلي اللي انا بحترمهم.

وأضافت: تامر حبيبنا وكل الوسط الفني بيحبه على المستوى المهني والشخصي لأنه شخص مبهج  والبهجة دي بتعملنا كل  حاجة حلوة معاه وأحنا كلنا صحاب وأنا لا يمكن اشكك لحظة في أخلاق تامر حبيب.

إيناس الدغيدي: الجزء اللي اتكتب عن حديثي لتامر غير صحيح

وكشفت: فؤجت بعد شهر أن حديثي عن تامر حبيب اتقطع على السوشيال ميديا  والجزء اللي مكتوب عن تامر حبيب بيتهموا تامر بحاجات أنا مقولتهاش .

واستكملت: السوشيال ميديا دلوقتي بيعملوا حاجات غريبة وأصبحوا مخرجين ومونترين وبنشوف حاجات غريبة مش عارفة  ازاي اتعلموها وركبوا حديث ملوش علاقة باللي أنا قولته.

 إيناس الدغيدي: أنا ضريت تامر من غير ما أقصد

واستطردت: الهجمة اللي كانت على السوشيال  ميديا كانت دمها تقيل جدًا وأنا اتعودت طول عمري على الهجوم عليا لكن المرة دي كانت على زميل ليا ومحترم ده اللي ضايقني وانا ضريته من غير ما أقصد.

وكشفت أن تامر حبيب قام بالاتصال بها ورفض حضور مهرجان القاهرة السينمائي خوفًا من الأسئلة التي قد توجه إليها، موضحة أنه يعيش في حالة نفسية سيئة للغاية

وتابعت: هو في حالة وحشه لأن الهجمة لما بتبقى حاجه اخلاقية بتبقى حاجه وحشة جدًا  والواحد مش بيقدر  يستحمل حاجة زي دي.

وقالت: تامر كلمني وقالي أنا متأكد أنك مش قصدك بس شوفي السوشيال ميديا عملوا ايه، ووضعي دمه تقيل.

وتابعت: أنا وتامر أصدقاء ومفيش بينا حاجه وحشه هو عارف نيتي وقصدي وصداقتي بيه وانا بحترمه وبحبه.

إيناس الدغيدي لمن فبرك تصريحاتها: حرام نضيع شخص عشان خاطر تريند

ووجهت رسالة لمن قام بفركة هذه التصريحات وقالت: بقول لكل اللي كتب على السوشيال ميديا حرام عليكوا أن أحنا نضيع شخص عشان خاطر أنتوا عايزين تعملوا تريند وحرام التريندات تبقى على حساب ناس.

واستكملت: بقول لكل الناس أن مش كل كلمة بتتقال على السوشيال ميديا صح  ودلوقتي كله بيألف ويخرج ومش صحيح  وحاجة سخيفة ولازم يبقى فيه عقاب للناس دي.