حسين فهمي: سمير صبري كان مسميني براد بيت

تحدث الفنان حسين فهمي عن علاقة الصداقة القوية التي جمعته بالفنان الراحل سمير صبري، وذلك خلال مهرجان القاهرة السينمائي في دورته الـ 44.

تحيا مصر يرصد لكم تصريحات حسين فهمي عن الراحل سمير صبري
وقال حسين فهمي: كان بيننا علاقة قوي وذكريات ممتدة، وكان يلقبني بـ براد بيت، وكان يقولي فين الطايرة بتاعتك اقوله أنا مأجرها انهاردة.

كما وجه حسين فهمي رئيس مهرجان القاهرة السينمائي الشكر لوزارة الثقافة المصرية والوزيرة نيفين الكيلاني.
وتابع حسين فهمي: أنا بحب السينما وخاصة السينما المصرية، ولذلك قررت ترميم مجموعة من أفلام السينما المصرية القديمة، وعليه قمت باختيار "يوميات نائب في الأرياف" لترميمه.
وبدأ حفل  افتتاح مهرجان القاهرة السينمائي الدولي في دورته الـ44 بمجموعة متنوعة من اغاني النجم سمير صبري، صاحبها عرض لفرقة استعراضية على المسرح الكبير بدار الأوبر المصرية، ومن الأغاني التي تضمنها حفل الافتتاح، حلوة الدنيا سكر، فيه حاجة حصلت، تعالي.

افتتاح مهرجان القاهرة السينمائي

وبدأت اليوم فعاليات الدورة الـ 44 من مهرجان القاهرة السينمائي وذلك في دار الأوبرا المصرية، بحضور عدد كبير من نجوم الفن ومنهم: يسرا، ليلى علوي، دينا، إنجي المقدم، إنجي وجدان، بوسي شلبي، هبة مجدي، حسين فهمي، مصطفى فهمي، درة، أروى جودة، دومينك حوراني، سوسن بدر، ريهام عبد الغفور،إدوارد، ريهام حجاج، مايان السيد ، أحمد مجدي، شريف منير، وفاء عامر، منة شلبي، أحمد الفيشاوي، رنا رئيس، شيري عادل، طارق صبري، وعدد كبير من نجوم الفن.

تكريم لبلبة في مهرجان القاهرة السينمائي

كما شهد المهرجان تكريم كلًا من الفنانة لبلبة والمخرجة كاملة أبو ذكرى، وقالت لبلبة بعد تكريمها: انا بشكروا وبحبكوا اوي وبشكر بلدي مصر ووزيرة الثقافة الدكتورة نيفين الكيلاني وحسين فهمي وبشكر جمهوري اللي شجعني وأنا طفلة ولغاية اللحظة اللي بكلمكوا فيها، بشكر كل اللي اشتغلت معاهم من ممثلين وسيناريست ومخرجين وعمال اللي اتربيت في وسطهم بشكرهم أوي، وبشكر كل زمايللي اللي فيه بيني وبينهم عشرة طويلة جدًا وبحبهم وهما كمان بيحبوني.

واستكملت: دايمًا لما ببص في الكواليس كنت بلاقي والدتي بتشجعني ومفيش مرة طلعت على المسرح ووالدتي مكنتش واقفة في الكواليس هقولكوا حاجة لما  كانوا بيعلنوا عن مهرجان القاهرة السينمائي كانت والدتي تقولي يا نونيا انتي هتتكرمي المرة دي ومش بيبقى فيه نصيب والسنة اللي بعدها  تقولي أنتي هتتكرمي المرة دي أنتي أكتر واحدة اشتغلتي واسمعي كلامي هتتكرمي ومش بتكرم دلوقتي أنا بحققلها أمنية هي مش موجودة وأنا بتكرم أنهاردة.

واختتمت: والدتي كانت حامل فيا وبتتفرج في السينما على فيلم وجالها وجع الولادة وبسرعه لحقوها ولو مكنتش اتلحقت كنت هتولد في السينما واللي حصل حاجة غريبة جدا كان يوم زي أنهاردة اتولدت.