عبير الشرقاوي تفتح النار على مهرجان القاهرة السينمائي بسبب بدلة رقص لبلبة: مهازل و شيزوفرانيا

فتحت الفنانة المعتزلة عبير الشرقاوي النار على مهرجان القاهرة السينمائي الدولي في دورته الـ 44، التي انطلقت أمس اليوم الأحد الموافق 13 نوفمبر، وذلك بسبب بدلة رقص النجمة الكبيرة لبلبلة.

تحيا مصر يرصد هجوم عبير الشرقاوي على مهرجان القاهرة السينمائي. 

كتبت عبير الشرقاوي عبر حسابها الرسمي على موقع التواصل الاجتماعي فيسبوك: لما حسين فهمى طلب من الممثلات الإلتزام فى اللبس فى إفتتاح المهرجان شكرنا ربنا و قلنا مش هنشوف المهازل إللى بتحصل، لكن لما المهرجان يكرم لبلبة و يقدم لقطات من أفلامها فيقدم لقطة لها ببدلة رقص فظيعة و كمان يقدمها و هى بترقص بالبدلة دى فى لقطة.. يبقى ده إسمه شيزوفرانيا.

وأضافت: و كده المهرجان بيقول للممثلات الشابات أهى دى النماذج إللى بتتكرم، الغريبة إن الجمهور طول عمره بيرفض هذه النماذج المتطرفة و لكن السينيمائييين بيصروا على فرضها على الجمهور و مافيش فايدة.

ازمة محمد الغيظي مع عبير الشرقاوي

ظهرت عبير الشرقاوي في مداخلة هاتفية في إحدى البرامج التليفزيوينة تهاجم بها مسلسل الضاحك الباكي، ما جعل الإعلامي محمد الغيظي يطلب الانسحاب من البرنامج، وانفعاله عليها، اذ قال خلال البرنامج: مين دي عشان تنتقد عمل فني وتصفنا بالرمم على صفحتها بالفيسبوك، أنا بنسحب من هذا اللقاء، لأن الشخصية  دي والدها المخرج الكبير جلال الشرقاوي تبرأ منها قدامي في مكتبه، وبرفض أني أشاركها في مداخلة واحدة".

عبير الشرقاوي تهاجم مسلسل الضاحك الباكي

وكانت عبير الشرقاوي قد هاجمت مسلسل الضاحك الباكي من خلال حسابها الرسمي بموقع التواصل الإجتماعي “فيسبوك”، اذ كتبت: "محمد فاضل يستهزئ بالجمهور.. مطلع فردوس عبد الحميد السبعينية أم لطفل رضيع".

محمد الغيظي: احننا بننجح اننا نفشل الناجح

وكان قد رد الغيظي على تلك التصريحات، فقال: “إحنا بننجح إننا نفشل الناجح، في الغرب بينجحوا الفاشل، إحنا طلع روحنا في تحضيرات المسلسل سنتين وقعد عندي 10 سنين في الدرج و7 منتجين رفضوه، مش قادرين ينتجوه، وييجي شوية عيال على السوشيال ميديا يشككوا في الكتابة، ويقولوا بطرس غالي مات في حنطور ولا عربية؟ لا أنا مراجعه كويس، واعرفوا إنكم بتتكلموا مع أساتذة يعني تبلع ريقك وأنت بتتكلم، وحيد حامد وأسامة أنور عكاشة لو كانوا عايشين دلوقتي كانوا بطلوا واعتزلوا بسبب العيال اللي على السوشيال ميديا”.

في حين قالت فردوس عبد الحميد هي الأخرى خلال مداخلة هاتفية في برنامج مصر جديدة، ردا على انتقادات دورها في الضاحك الباكي: “في ناس كتير جدا بتجري ورا التريند وللأسف بيبقى في مقابل مادي على الحجات اللي بيكتبوها دي وأعتقد ان الجمهور راضي عني، وأما يبقى الهجوم متعمد فيه الإهانة والتنمر ده اللي بيضايقني”.