كاملة أبو ذكرى: كنت بحلم ادخل المهرجان دلوقتي الحلم بيتحقق

حصلت المخرجة كاملة أبو ذكرى على جائزة فاتن حمامة وذلك تقديرًا لأعمالها المميزة، وذلك خلال مهرجان القاهرة السينمائي في دورته الـ 44.

تحيا مصر يرصد لكم تكريم المخرجة كاملة أبو ذكرى

وقالت كاملة بهد تكريمها بمهرجان القاهرة: أنا مش عارفة أقول ايه ده حلم كبير مش مصدقه إنه بيتحقق دي حاجة مكنتش في خيالي.

وتابعت: في امتنان وحب من كل الفنانين اللي قابلتهم واللي أمنوا بيا واللي مأمنوش بيا واثروا فيا.

واستكملت: مشوار طويل عمري كله قضيته في السينما 16 سنه في عشق وحب والمهرجان كنت بحلم بس ادخله دلوقتي أنا واقفه اتكرم.

وقالت: كل التقدير والامتنان لكل فنان شوفتله فيلم أو مشهد اتعلمت منه حاجه كل فنان اشتغلت معاه وقدملي كتير زي نادرجلال، محمد خان، احمد زكي، نور الشريف وناس كتير قدمتلي دعم ووقفت في ضهري ووصلتني للحظة دي.

واستكملت: وبشكربنتي وجوزي بشكرهم عشان تعبوا معايا ومجنناهم وبشكر أمي وابويا اللي لولاهم مكنتش هقف على المسرح هنا.

نيللي كريم تُقدم جائزة فاتن حمامة لـ كاملة اوب ذكرى

تولت الفنانة نيللي كريم تقديم جائزة فاتن حمامة للمخرجة كاملة أبو ذكرى في مهرجان القاهرة السينمائي في دورته الـ 44، وقالت: حظي حلو لسببين اني هقدم جايزة عظيمة وهي جائزة الشاشة العربية فاتن حمامة والسبب التاني الشخصية اللي هقدملها جايزة لأني مش عارفة هقدمها ازاي وكل مرة ببقى قلقانة، هي مخرجة عظيمة وحساسة وصادقة وقدرت تشوفني بشكل مختلف اثرت في الدراما المصرية وهي ذات الهمة وهي في الحقيقه دمها زي السكر وهي قدرت تعيشنا في الدراما بالشكل الصادق والكامل.

مهرجان القاهرة السينمائي

وأنطلقت اليوم فعاليات الدورة الـ44 من مهرجان القاهرة السينمائي وتثقام الفاعليات في دار الأوبر المصرية، وشهد المهرجان حضور عدد كبير من نجوم الفن ومنهم: ليلى علوي، دينا، إنجي المقدم، إنجي وجدان، بوسي شلبي، هبة مجدي، حسين فهمي، مصطفى فهمي، درة، أروى جودة، دومينك، سوسن بدر، ريهام عبد الغفور،إدوارد، ريهام حجاج، مايان السيد، أحمد الفيشاوي، أحمد مجدي، شريف منير، وفاء عامر، منة شلبي،وعدد كبير من نجوم الفن.