وفاء عامر: مشاركة 6 أفلام في مهرجان القاهرة قليل

تحدثت الفنانة وفاء عامر عن مسلسلها الجديد العيلة دي، والذي من النقرر عرضه قر يبًا عبر قناة دي أم سي، كما تحدثت عن مشاركتها في مهرجان القاهرة السينمائي في دورته الـ44.

تحيا مصر يرصد لكم تصريحات الفنانة وفاء عامر
وقالت وفاء عامر: فاضلنا 20 يوم في تصوير مسلسل العيلة دي، وبتمنى إني أكون قد المسئولية ونكون قدمنا عمل يدخل بيت الأسرة المصرية والعربية لأن هي قضية بتهم كتير أوي من العائلات العربية.

مسلسل العيلة دي

وتابعت: المسلسل بيتكلم عن غياب الزوج والام بتكون شايلة المسئولية وقدرتها على التحمل وهي قدرت توفي بالدين اللي عليها وفي مجموعة كبيرة من المشكلات اللي بتقابل أخويا وحماتي دهب والزوج لأنه عنده مشكلة شخصية عند أولادي وبتمثل شكل العائلات كلها  والحوار حقيقي.

وتحدثت عن مشاركة 6 أفلام مصرية في مهرجان القاهرة السينمائي وقالت: وهو مش رقم كبيرومش صغير، لأن في المهرجانات اللي كانت قبل كده وأنا كنت صغيرة وحضرتهاش كان في عدد كبير جدًا من الأفلام أكتر من كده.

وأضافت:كان استاذ نور الشريف الله يرحمه كان مشارك وكان أيام سعد الدين وهبه نجوم شاركوا بفيلمين ودلوقتي أنا شايفة أن عدد الأفلام 6 في الوقت اللي أحنا فيه كويس لكن مش كتير وعايزين يبقى أكتر من كده وعايزة يبقى عندي 10 أفلام.
وقالت:في وفود عربية من المغرب أنا شوفتها ووفود عربية واجنبية كمان ودايمًا مصرعالية، وكنت عضوة لجنة تحكيم في مهرجان اسكندرية السينمائي الدولي وكنت مبسوطة بشكل غير طبيعي وأنا بدي صوتي لفيلم مغربي اسمه ولولة الروح وكان بالنسبالي إني شايفة المغرب بتعمل أفلام عظيمة بمجموعة من فنانين عظماء مغاربه وقابلت منهم أنهاردة ناس وسعدت جدًا.

مسلسل العيلة دي
 

العيلة دي مسلسل مكون من 30 حلقة، وتقوم ببطولته الفنانةوفاء عامر بالإضافة إلى عدد كبير من النجوم منهم محمد ثروت، إسلام إبراهيم، إنعام سالوسة، إسماعيل فرغلي، يوسف عثمان، سلوى عثمان، ريهام الشنواني، والطفل مؤمن هشام، ضياء الميرغني، علا رامي، ياسمين سمير، عمرو فريد، وعدد من الفنانين الشباب.