سميحة أيوب للزوجات: لما يحصل خناق لازم تلمي الدنيا.. ومينفعش تسيبي السرير

كشفت الفنانة سميحة أيوب عن سبب زواج الرجال على زوجاتهم، وذلك خلال حوارها ببرنامج كلام الناس مع الإعلامية ياسمين عز. 

تحيا مصر يرصد لكم تصريحات سميحة أيوب عن سبب زواج الرجال مرة أخرى

سميحة أيوب: الرجالة بتروح تتجوز عشان البيت خناق.. ولما يحصل خناق لازم الست تلم الدنيا

وقالت سمحية أيوب: الرجالة بتروح تتجوز ليه عشان بيقولوا البيت خناق، اختاري اللحظة اللي جوزك مستريح فيها مش يجي تعبان وتتكلمي، واذا حصل لحظة بينهم فيها خناق لازم هي تلم الحكاية وتستنى لما يروق وتكلمه ايه اللي حصل ومين اللي بدأ، ومين اللي سكت وهيتعذرلك بعدها.

سميحة أيوب: مينفعش تسيبي السرير 

وتابعت أيوب للزوجات: الحياة تسليم واستسلام عشان الحياة امشي، ولو هي عملت شئ سخيف تقول انا اسفه، وتبوس راسه وخلاص، لكن منقعدش نغضب ونسيب السرير، والكرامة مش في ده ولازم نفوت لبعض.. واللي بتفوت بتكبر في النظر، ولما تقف تعمل زيه هتتساوى الرؤوس.

من هي سميحة أيوب؟  

ولدت سميحة أيوب في 8 مارس 1932 وهي صاحبة أطول مسيرة فنية في تاريخ السينما العربية “بجانب أمينة رزق” حيث كانت بدايتها الاحترافية من خلال فيلم المتشردة سنة 1947م، وسنوات عملها السينمائي والتلفزيوني تجاوزت 75 عامًا.

ولدت سميحة في حي شبرا في القاهرة، وبدأت حياتها الفنية في عام 1947 في فيلم المتشردة وكان عمرها 15 عام، ثم فيلم حب في سنة 1948.

دخلت سميحة أيوب المعهد العالي للتمثيل في سنة 1949م الذي أسسه زكي طليمات وتتلمذت على يده، وبالتوازي مع دراستها كانت تعمل في المسرح والسينما فقدمت خلال فترة الخمسينات العديد من الأعمال وهي:  فيلم شاطئ الغرام في مطلع سنة  1950م، ثم في سنة 1951 شاركت في فيلم ورد الغرام . وقد ذاعت نجوميتها في أوائل الخمسينيات، وتخرجت من المعهد العالي للتمثيل في سنة 1953م.

انضمت أيوب إلى المسرح القومي المصري، وصارت مديرة له مرتين في الفترة بين 1975 -1989، كما تولت إدارة المسرح الحديث بين عامي 1972 و 1975. وبلغ رصيدها المسرحي على مدار مشوارها الفني ما يقرب من 170 مسرحية.