هلا رشدي: التربية صعبة ومحتاجة هدوء أعصاب عشان الطفل يكبر سليم النفس معافي

خرجت الفنانة هلا رشدي لـ لتروي قصة جمعتها لـ نجلها معز تحت عنوان “مغامرات هلا ومعز”، لتكشف من خلاله أسس التربية الصحيحة للأطفال.

تحيا مصر يرصد في ذلك التقرير تصريحات هلا رشدي عن التربية

علا رشدي تروي موقف مع نجلها معز

كتبت هلا رشدي عبر حسابها الرسمي بموقع التواصل الإجتماعي “فيسبوك”: “معز امبارح واحنا مروَّحين من بيت صاحبتي، حصل موقف فـ فِضِل يزعق ويتنرفز قدام صاحبتي وولادها، ولأاا بِـ عِلو صوته، وانا أبصله ومحترماه قدامهم وبرد عليه بكل هدوء، وهوه مكمِّل..خرجنا من بيتها و عينه ومشيتُه كلها علامات انتصار إنه عمل فيها بلطجي وزعق وانا سكت.. مع إن في الآخر كلامي هوه اللي اتنفذ، لكن الاحساس واضح انه كان حلو”.

وتابعت: أول ما ركبنا العربيه قولتله بكل هدوء: بص يا معز، لو على الزعيق يا حبيبي..فأنا ممكن “وبصوت مشجع في آخر الاستاد عايز يسمع صوته لـ اللعيبه” أزعااق..فضل باصصلي و هوه مرعوب و بيعيط، كان صعبان عليا جدا وقلبي واجعني، بعدها رجعت بصوت هادي تاني وقولتله: شوفت انت خوفت ازاي؟  اللي بيزعق بيبقى عامل زي الوحش فبيبقى مخيف، فالناس بتسمع كلامه مش عشان مقتنعه بيه أو بتحترمه، لأ..عشان خايفين منه..تحب تعيش مخيف ولسانك سابق دماغك، ولَّا راجل محترم بيفكر بعقله ويتناقش ويوصل لحل وسط بكل هدوء، وتجبر اللي قدامك يحترمك ويحبك؟؟ سِكت".

واستكمل: “مسحت دموعه، وأخدته في حضني وشغلتله الاغاني اللي بيحبها و هزرنا ولعبنا وباقي اليوم مر بسلام”.

هلا رشدي: التربية صعبة ومحتاجه هدوء أعصاب

واختتم حديثها، قائلة: “التربية صعبة ومحتاجه هدوء أعصاب، عشان بتوفيق الله يكبر سليم النفس معافى، وذكرياته كلها حكايات يفضل يتعلِّم منها ويحكيها وابتسامته على وشه، وبعد ما نمشي يترحم علينا ويفضل فاكرنا بكل خير”.

أخر أعمال هلا رشدي

من ناحية أخرى، كانت أخر اعمال هلا رشدي مشاركتها في مسلسل مكتوب عليا، إلى جانب كلا من النجوم أكرم حسني وأيتن عامر، وهنادي مهنا، والتي دارت قصته حول جلجل “أكرم حسني”، الذي يستيقظ صباحا فيجد كلمات على جبينه لا يراها إلى هو، ومن هنا تبدأ احداث العمل.