لوسي تصالح نجوى فؤاد على الهواء: انت ست محترمة وبتحترمي الكل ومقدرش على زعلك| فيديو

نجح برنامج “قعدة ستات”، الذي تقدمه الإعلامية مروة ناجي في تصالح الراقصة نجوى فؤاد مع الفنانة لوسي، وذلك بعد خلافهم التي شهدته الساحة الفنية بعد أن صرحت به نجوى فؤاد.

تحيا مصر يرصد في ذلك التقرير تفاصيل تصالح لوسي مع نجوى فؤاد 

لوسي: نجوى فؤاد قالت لو منها هقطع بدل الرقص وأمثل وأنا قطعتها فعلا

خرجت لوسي في مداخلة هاتفية لـ برنامج “قعدة ستات”، انهاء خلافها مع الفنانة نجوى فؤاد، اذ قالت لها: “كلامك جميل، وانت ست رقيقة ومحترمة وبتحترمي الكل كبير وصغير وأنا بحترمك جدا وشيفاكي الإمبراطورة بتاعة الاستعراضات كلها”.

وتابع لوسي حديثها: "أنا مقدرش ازعل منها لانها مبتغلطش في حد ودي ميزة فيها، هي واثقة في نفسها وعارفة قدرها الفني في البداية، هي قالت انا لو من لوسي هقطع بدلة الرقص وأمثل وأنا قطعتها فعلا، لكن مفيش خلاف بينا".

نجوى فؤاد عن لوسي: مش بغير منها

وكانت قد كشفت نجوى فؤاد عن خلافها مع لوسي، فقالت: “أنا عمري ما غيرت من حد.. لوسي كنا قريبين أوي من بعض وحصل سوء تفاهم في موقف معين فلقيت نفسي بنسحب وأنا لما بنسحب مش ببص ورايا.. وأنا مغلطتش في الموقف عشان أصلحه.. هما غلطوا هي وأسرتها”.

نجوى فؤاد: لوسي مرضتش تدخلني بيتها وجرحتني

 وتابعت: “أنا سمعت أنهم تعبانين فاشتريت شوية حلويات وروحت على البيت أشوفهم تعبانين في ايه وكان معايا واحدة صديقة صحفية والبواب قالي مفيش حد دول في المستشفى فحاولت أكلمها في التلفون محدش كان بيرد وفي الأخر عرفت أن هما فوق نايمين فدي ضايقتني وجرحتني اوي”.

نجوى فؤاد وعلاقتها بنجوم الفن

وكانت قد أثارت نجوى فؤاد جدلا واسعا بـ إهمالها من قبل الوسط الفني ونجومه، اذ قالت في تصريحات تليفزيونية: “جيلنا كان فيه تلاحم ، وكنا بنسأل على بعض، ولازم يوم الخميس كل فنان يعمل سهرة عشان نلتقي مع بعض، واي مناسبة لازم نتجمع، أما دولوقتي محدش بيسأل عليا غير المجتمع العادي، العائلات وجيراني، والجمهور”.

 وتابعت نجوى فؤاد حديثها، مستاء من الوسط الفني: "مبشوفش الفنانين غير وهما في العزا لابسين أسود وبيتصوروا، طب ماسألتوش عليه ليه وهو حي، مكلمتوش النقابة ليه تلحقه؟!".