مروة صبري: حسام حبيب مظلوم وغلطان أنه رجع لـ شيرين

علقت الإعلامية مروة صبري على عودة شيرين عبد الوهاب للفنان حسام حبيب، وذلك خلال برنامجها قعدة ستات.

تحيا مصر يرصد لكم تصريحات الإعلامية مروة صبري عن شيرين وحسام

وقالت مروة صبري: أعتقد بعد اللي أحنا شوفناه ده حسام حبيب مظلوم الناس كلها بتقول هي غلطانه أن هي رجعتله لا حسام حبيب اللي غلطان عشان وافق يرجع لشيرين تاني.

وتابعت: أنت حر في اللي هيتعمل فيك ولما يتقال عليك أنك بتاخد فلوس وعارفها مصلحة عشان شيرين عبد الوهاب وأنت مطرب لسه اسمك مش قدها أوي استحمل. 

وأضافت: لما يتقال أن سرقت عربيات ومدمر حياتها وحياة بناتها وضربت بناتها وضربتها استحمل لما اي حاجة تطلع تتقال عليك متباش تزعل  أنت حصل فيك مرة وأتنين وتلاتة وأربعة  وفي الأخر رايح تكتب كتابك على شيرين.

مروة صبري تعلق على بوست والد حسام حبيب

كما علقت مروة على البوست الذي نشره والد حسام حبيب وهو يبارك لابنه بعد عوده لشيرين عبد الوهاب وقالت: الليفيل الأعلى أبو حسام حبيب هو رافض يعمل مداخلات لكن هو بيلعب مع جمهوره على السوشيال ميديا   وهو من أسبوعين قاله أنت تربية ست والكلمة دي استفزت ناس كتير أوي والعالم كله وكان واقف مع شيرين ضد أبنه، دلوقتي بيباركله؟.

وأضافت: الموضوع بقى فيه كوميديا جدًا انتوا ردوا هو أحنا فين وبنهزر ولا ايه ولا بنلعب ولا بتستخفوا بعقل الجمهور. 

مروة صبري لوالد حسام حبيب: يا عم خليك بعيد أنت راجل سنك كبير

وتابعت:حاجة غريبة جدًا يا عم خليك بعيد أنت راجل كبير وسنك كبير وكان ليك موقف ورافض شيرين دلوقتي أنت مبسوط ومبارك الجوازة انت دلوقتي فرحان وعايز حفيد بسرعة وبتدافع عن حسام حبيب؟.

وقالت: أنا مش هدافع ولا ههاجم أنا هتناقش معاكوا.. انا قولت قبل كده يا شيرين يا فنانة يا موهوبة يا صوت مصر لو راحتك  أنك تبقي مع حسام حبيب ارجعيله لأن دي حياتك أنتي واختيارك ومفيش حد هيعيش عيشتك ولا يزعل على زعلك  ولا يفرح لفرحك  وأنتي عند فانز كتير  بتتقلب عشان خاطرك.. الصراحة الموضوع بقى بايخ أوي حتى تعاطف الجمهور فقدته مفيش شك أن شيرين صوت مصر ومحبوبة جدًا لكن اللي حصل ده حاجة غريبة.