مروة صبري تهاجم شيرين عبد الوهاب: احنا ازاي هنصدقك انتي بتلعبي كورة بالجمهور

هاجت الإعلامية مروة صبري الفنانة شيرين عبد الوهاب وذلك بعد عودتها لحساب حبيب بعد الخلافات التي دارت بينهما.

تحيا مصر يرصد لكم هجوم مروة صبري على شيرين

وقالت مروة خلال برنامجها قعدة ستات: أنا مش هدافع ولا ههاجم أنا هتناقش معاكوا.. انا قولت قبل كده يا شيرين يا فنانة يا موهوبة يا صوت مصر لو راحتك  أنك تبقي مع حسام حبيب ارجعيله لأن دي حياتك أنتي واختيارك ومفيش حد هيعيش عيشتك ولا يزعل على زعلك  ولا يفرح لفرحك  وأنتي عند فانز كتير  بتتقلب عشان خاطرك.

وتابعت: الصراحة الموضوع بقى بايخ أوي حتى تعاطف الجمهور فقدته مفيش شك أن شيرين صوت مصر ومحبوبة جدًا لكن اللي حصل ده حاجة غريبة.
واستكملت: الواحد كان قاعد بيتفرج وبيتابع السوشيال ميديا ويشوف الأخبار الجديدة يلاقي أن شيرين بتتكلم عن حسام حبيب بقمة الأحترام واللطف والحب والغرام وكل الحاجات الحلوة وكمان كتبوا كتابهم من كام يوم أنتوا متخيلين؟ بقالنا أسبوع قاعدين كارهين حسام حبيب وأزاي يعمل كده في شيرين والكلام ده في روايتها وممن لسانها وهي اللي مسئوله عنه.

وأضافت: قالت في برامج أن حسام هو اللي حلقلي شعري،  حسام بياخد فلوسي، حسام حرامي وخد عربيتي من تخت البيت وأنا في الساحل وأنا هعمله محضر  وممكن أتجوز قرد أو الفيل أبو زلومة  بس متجوزهوش، حسام أسوء شخص في العالم في رواية شيرين عبد الوهاب والناس بدأت تروح مع شيرين وبدأت تحسبن على حسام والفلورز بتوعه قله وأتقال أن سبب دخولها المستشفى أنه كان بيخليها تشرب مخدات وفاجأة شيرين تضرب كل حاجة بعرض الحائط وتتجوز حسام حبيب.
واستطرت: أنا واحدة من فانز شيرين لكن أنا مبقتش متعاطفة معاها بعد كل اللي حصل وكل التفاصيل دي مبقتش متعاطفة معاها انتي منين بتطلعي تشتميه ومنين مخلياه مجرم في كل حاجة ودمرلك حياتك وهو اللي خلاكي متغنيش ولما روحتي عملتي إعلان كان بيحاربك وكان كارهك ومش  عايزك تنجحي ومنين جاية تقولي الكلام اللي قولتيه أمبارح.

مروة صبري: الناس كرهت حسام بسبب شيرين

وتابعت: الناس كلها كرهت حسام حبيب بسبب شيرين عبد الوهاب، أحنا  كل معرفتنا بشيرين وحسام أن هما مطربين وشيرين أعلى شوية وعفوية وغلطاتها كتير فبنحبها وبتصعب علينا.

وقالت:لكن لو سألنا نفسنا أحنا بنكره حسام حبيب ليه هيكون بسبب شيرين وأن كل اللي شيرين قالته عليه صدقنا كل الكلام اللي قولتيه قبل كده مش حقيقي.. لو حسام حلقلك شعرك هترجعيله؟ لو ضيعك وأخد فلوسك ومش عايز يشغلك هترجعله؟ لو بيحقد عليكي ويعرفك مصلحة للاستفادة من وراكي هترجعي تاني؟ أعتقد لا.

مروة صبري: شيرين بتلعب كورة بالجمهور

واستكملت: في نقطة مهمة لازم شيرين وحسام يعرفوها  فين حق الجمهور من القصة اللي أنتوا عاملينها دي ؟ أنتوا دلوقتي بتلعبوا كورة بالجمهور  وبالناس اللي بتحب شيرين والجمهور كله بيمشي تبع شيرين لو قالت بتحب حسام الجمهور بيحبه لو بتكره حسام يبقى الجمهور يكرهوا.

وتسألت: أحنا  أزاي نصدقك فين مصدقيتك عند الجمهور اللي أنتي بتلعبي بيه الكورة وكل أسبوع بتطلعي بتصريح وتشتمي فيه وتقولي عليه ألفاظ مينفعش تتقال والمفروض لو في بينكوا مشاكل الدنيا والأخرة أحنا كل اللي يهمنا منك فنك فقط، مشاكلك جوازك وطلاقك بتتعلجي نفسيًا  ملناش دعوة والتدخل الزيادة في المشاكل الشخصية بقى بايخ.