زوج داخل محكمة الأسرة : مراتي كل ما أطلبها للعلاقة تحطلي منوم في الأكل ومش عايزاني ألمسها

"مراتي رجعت تكلم الراجل اللي كانت تعرفه قبلي وقالتلي أنا أتجوزتك عشان خاطر أهلي " بتلك الكلمات روي زوج داخل محكمة الأسرة عن زوجته الذى أكتشف أنها تحب رجل أخر غيره بعد الزواج حين واجهها بحقيقة ما تضعه له من حبوب منومة في كل مرة يطلبها للعلاقة الزوجية .

تحيا مصر

مراتي أبوها يبقي شغال عند والدي 

بدأ الزوج حديثه لتحيا مصر :"  والدي عنده شركة عقارات كبيرة ومراتي والدها يبقي شغال موظف عندنا أول ما شوفتها عجبني هدوئها وأحترامها وكلمت والدي عنها أني أتقدملها وخصوصا أني كنت بحس بتجاوب ناحيتها وأنها بتتعامل معايا بلطف شديد وده اللي شجعني أفاتح والدها في الموضوع وبالفعل أداني ميعاد أروح أزورهم أنا ووالدي ووافقوا بسهولة جدا وقرينا الفاتحة بعدها بأسبوع واحد بس وخلال 6 شهور بس كنا مخطوبين وكاتبين كمان الكتاب ".

بعد الجواز كانت بتضحك عليا وتحطلي منوم عشان ملمسهاش 

وتابع الزوج :" بعد الجواز بدأت الاحظ أن مراتي أكنها مغصوبة عليا حاولت بكل الطرق أفهم هي لية مش مبسوطة لكن مكنتش بلاقي جواب طول ما هي كانت قصاد أهلها كانت بتعاملني كويس لكن مجرد ما بعدت عنهم وأتقفل علينا باب واحد أتحولت لشخص تاني أنا معرفهوش سابتني ألمسها في ليلة الدخلة بس وشهر العسل لكن بدون رغبة منها في الخلفة وبعد شهر العسل لما رجعنا البيت وبقيت أطلبها للعلاقة كنت بلاقيها تقولي " ناكل ونشرب كوباية الشاي وبعدها نعمل اللي أنت عايزه " أشرب كوباية الشاي من هنا وأنام بعدها للصبح وأصحي مش فاكر أي حاجة ولما اسألها هو أية اللي حصل بليل ؟ تقولي عملنا اللي أنت كنت عايزنا نعمله وبعدها نمنا ". 

بتكلم واحد وتبعتله صورها بقميص النوم اللي بتنام بيه جنبي 

وأستكمل الزوج :" مراتي عملت معايا الحركة دي 3 ليالي ورا بعض وأنا عشان كنت بتحرج أقولها أني مش فاكر أي حاجة حصلت كنت بسكت وأحاول أعديها وخصوصا أنها كانت كل مرة تقولي " أنت بتخلص وبتبقي تعبان وعايز تنام وتلاقيك مش فاكر عشان كدة " لحد ما في مرة طلبت منها أشوف حاجة علي التليفون عندها بشكل مفاجئ ودي كانت أول مرة أبص في تليفونها لقيت رسايل بينها وبين واحد وباين أن بينهم قصة حب كبيرة وفضلت أرجع للرسايل القديمة اللي بينهم ولقيتها كاتباله في رسالة " أنا خلاص حطيتله الحباية ونام " وبعتتله بعدها صورها بقميص النوم اللي كانت نايمة بيه جنبي ".

طلعت متجوزاني غصب عشان أبوها ميخسرش شغله عندنا 

وأختتم الزوج :" شوفت الرسايل من هنا ونزلت فيها ضرب لحد ما كانت هتموت في أيدي وقالتلي يومها أنها متجوزاني بس عشان خاطر أهلها بعد ما أبوها أجبرها توافق عشان ميخسرش شغله في شركة والدي وأنها بقالها 7 سنين بتحب واحد تاني وكانت مستنية تنفصل عني عشان تروحله بعد ما قالتلي الكلام ده لمت هدومها وراحت لبيت أهلها رفعت عليا دعوي خلع وأتهمتني فيها أني بضربها علي الفاضية والمليانة ووريتلهم أثار الضرب اللي ضربتهولها أخر مرة لما أكتشفت خيانتها ليا لكن دي مش حقيقة وجيت للمحكمة عشان أثبتلهم أنها ست خاينة بالرسايل والمحادثات اللي خدتهم علي تليفونها وأملي في ربنا كبير أنه يجيبلي حقي منها ويعوضني خير ".