عفرتو: مكنتش مودي أبقى رابر.. وكان نفسي اسافر أمريكا أشتغل عادي

تحدث مغني الراب عفرتو عن بداية مسيرته الفنية، وعدم تخطيطه لكي يكون رابر، وذلك خلال حلقة في برنامج ريد بُل مزيكا صالونات مع أحمد الموجي.

تحيا مصر يرصد لكم تصريحات عفرتو في برنامج ريد بُل مزيكا صالونات

عفرتو: مكنتش مودي أبقى رابر

وقال عفرتو في البرنامج: مكنتش مودي في إني أبقى رابر كان نفسي أسافر أمريكا زي أي بني آدم عايز يسافر هناك ويشتغل.

مولوتوف يهاجم عفرتو ومروان موسى 

ويذكر، أن هاجم الرابر مولوتوف كلًا من عفرتو، ومروان موسى بعد حضورهم اجتماع النقابة، وذلك عبر حسابه الرسمي بموقع انستجرام.

وكتب مولوتوف عبر خاصية ستوري بانستجرام: أنا شوفت ازاي في ناس من الفنانين هيتشلوا من اللي بيحصل وأنا واحد منهم.. ومعترضين على الرابرز اللي بيسلموا الفن وبيبيعوه بأرخص تمن، وبينشروا الجهل بين الشباب.

وتابع مولوتوف: وبناء على هذا تم حذف التعاون بيني وبين مروان موسى وعفرتو من اليوتيوب، ومش هيتم التعامل مع أي حد باع الفن تاني وهيكون في حملة كبيرة ضد كل الأنواع من الم**** سواء ان كان من الفنانين أو من غير الفنانين.

واختتم: الراب مش عن الفلوس والشهرة بس حرام عليكوا ضيعتونا.

عفرتو بعد اجتماع النقابة 

ويذكر، أن علق عفرتو على اجتماع النقابة الذي حضره قبل أيام قليلة بمجرد عودته منه، ووجه رسالة للفانز عبر حسابه الرسمي بانستجرام. 

وقال عفرتو عبر خاصية ستوري في انستجرام: عايز اقول شكرًا لأي حد دعمني، شكرًا لأي حد وقف جنبي بكلمة بأي حاجة، احنا الحمد لله رجعنا وكله تمام وأنا رجعت ودلوقتي أنا زي مانا مش موقوف ومفيش عليا غرامة، والموضوع كان سوء تفاهم ولما عرفوا إن أنا متبلغتش أجي المعاد عملولي التماس. 

وتابع عفرتو: وشكرًا لأستاذ  مصطفى كامل نقيب الموسيقيين، الراجل فهم واتقبل مننا وكل حاجة تمام دلوقتي، محدش بقى يكتب شتايم والحاجات دي عشان متوقفش تاني.

تصريحات مصطفى كامل في اجتماع النقابة 

وقال النقيب مصطفى كامل خلال اجتماع النقابة المنعقد خلال الأيام الماضية: انتوا ولادنا.. لازم نحافظ إن ميبقاش في بطالة للعنصر الموسيقي، مش عايزين العنصر الموسيقي يبقى قاعد في البيت، إن انت تشغل تراك والتراك ده في مقبله بيحمل مزيكا، المزيكا دي المفروض اللي بيعزفها عازفين، حتى إن قل أعدادهم عن الحد الأقصى اللي كنا عاملينه للفنون الشرقية.